వ్యభిచారానికి పాల్పడితే ఏడేళ్లు జైలుశిక్ష
విటులకు ఐపీసీ సెక్షన్ 370ఏ
వర్తిస్తుందన్న హైకోర్టు
అన్నీతెలిసి వ్యభిచార గృహాలకు వెళ్లేవారు లైంగికదోపిడీకి పాల్పడినట్లే
హైదరాబాద్: వ్యభిచారానికి పాల్పడి దొరికిపోయినా ఏదో జరిమానా కట్టి బయటపడతామనుకునే మగరాయుళ్లు.. ఇకపై ఐదు నుంచి ఏడేళ్ల పాటు జైలు ఊచలు లెక్కపెట్టాల్సిందే. అంతేకాదు భారీగా జరిమానానూ కట్టాల్సిందే. అన్నీ తెలిసి వ్యభిచార గృహాలకు వెళ్లేవారు.. అక్కడ బలవంతంగా వ్యభిచారం చేయాల్సి వస్తున్నవారిపై లైం గిక దోపిడీకి పాల్పడినట్లేనని హైకోర్టు అభిప్రాయపడింది. విటుడు ఐపీసీ సెక్షన్ 370ఏ పరిధిలోకి వస్తాడని పేర్కొంటూ సంచలన తీర్పునిచ్చింది. అన్నీ తెలిసి వ్యభిచార గృహాలకు వెళ్లి లైంగిక దోపిడీకి పాల్పడే వారిపై వ్యభిచార నిరోధక చట్టం (పీఐటీ యాక్ట్) కింద మాత్రమే కేసు నమోదు చేస్తే సరిపోదని, ఐపీసీ సెక్షన్ 370ఎ కింద కూడా కేసు నమోదు చేయాలని తేల్చి చెప్పింది. వ్యభిచారానికి పాల్పడుతూ పట్టుబడిన ఒక విటుడి కేసులో న్యాయమూర్తి జస్టిస్ యు.దుర్గాప్రసాద్ ఇటీవల ఈ తీర్పు వెలువరించారు. హైదరాబాద్లోని కేపీహెచ్బీ కాలనీ పరిధిలో ఉన్న ఒక అపార్ట్మెంట్లో వ్యభిచారం నిర్వహిస్తున్న ఇద్దరు నిర్వాహకులు, ఒక విటుడిని ఇటీవల పోలీసులు అదుపులోకి తీసుకున్నారు.
నిర్వాహకులపై ఐపీసీ సెక్షన్ 370ఎ, పీఐటీ చట్టం-3, 4, 5, 6 సెక్షన్ల కింద.. విటుడిపై పీఐటీ సెక్షన్-4 కింద కేసు నమోదు చేసి సంబంధిత కోర్టులో హాజరుపరిచారు. అయితే వ్యభిచారం ద్వారా వచ్చే సంపాదనతో జీవించేవారిపై మాత్రమే పీఐటీ సెక్షన్-4 కింద కేసు నమోదు చేస్తారని.. తనకు ఆ సెక్షన్ వర్తించనందున తనపై పెట్టిన కేసును కొట్టివేయాలంటూ ఆ విటుడు హైకోర్టును ఆశ్రయించాడు. దీనిపై జరిగిన విచారణ సందర్భంగా.. విటుడిపై సెక్షన్-4 పెట్టడం చెల్లనప్పటికీ, సెక్షన్ 370ఏ కింద కేసుపెట్టవచ్చని పబ్లిక్ ప్రాసిక్యూటర్ కోర్టుకు తెలిపారు. వీట న్నింటినీ న్యాయమూర్తి పరిశీలించి విటుడిపై సెక్షన్-4 కిం ద పోలీసులు పెట్టిన కేసును కొట్టివేశారు. మైనర్పైగానీ, మహిళపై గానీ లైంగిక దోపిడీకి పాల్పడుతున్నామని తెలిసి కూడా వ్యభిచారం చేస్తే ఆ వ్యక్తి సెక్షన్ 370ఏ పరిధిలోకి వస్తారని న్యాయమూర్తి స్పష్టం చేశారు. ఈ సందర్భంగా నిర్భయ ై ఘటన, తరువాతి పరిణామాలు, పలు చట్టాలకు చేసిన సవరణల గురించి ప్రస్తావించారు. అం దు లో భాగంగా ప్రభుత్వం ఐపీసీలో సెక్షన్ 370కి అదనంగా సెక్షన్ 370ఏ ను తీసుకువచ్చిందని తెలిపారు.
ఐపీసీ 370ఏ
బలవంతంగా వ్యభిచారంలోకి దిగిన వ్యక్తిపై లైంగిక దోపిడీకి పాల్పడితే విధించాల్సిన శిక్షలను ఐపీసీ సెక్షన్ 370ఎ తెలుపుతుంది. దీని ప్రకారం బలవంతంగా వ్యభిచారంలోకి దిగిన వ్యక్తి మైనర్ అని తెలిసీ ఆ వ్యక్తిపై లైంగిక దోపిడీకి పాల్పడిన వారికి కనీసం ఐదేళ్లు, గరిష్టంగా ఏడేళ్ల వరకు జైలుశిక్షతో పాటు జరిమానా విధించవచ్చు. అదే మేజర్పై అయితే కనీసం మూడేళ్లు, గరిష్టంగా ఐదేళ్ల జైలు శిక్ష, జరిమానా విధించవచ్చు.
పీఐటీ సెక్షన్-4
వ్యభిచారం ద్వారా వచ్చే సంపాదనతో జీవించే వారికి విధించే శిక్షలను వ్యభిచార నిరోధక చట్టం (పీఐటీ) సెక్షన్-4 తెలుపుతుంది. దీనిలోని సబ్ సెక్షన్-1 ప్రకారం పద్దెనిమిదేళ్లు నిండిన ఏవ్యక్తయినా తనకు తెలిసి కూడా మరొకరు చేసే వ్యభిచారం ద్వారా వచ్చే సం పాదనపై పూర్తిగా లేదా కొంత భాగం ఆధారపడి జీవిస్తుంటే... ఆ వ్యక్తికి రెండేళ్ల వరకు జైలు శిక్ష లేదా వెయ్యి రూపాయల జరిమానా లేదా ఈ రెండూ విధించవచ్చు. ఒకవేళ మైనర్తో వ్యభి చారం చేయిస్తూ.. ఆదాయం పొందుతుంటే ఆ వ్యక్తికి కనీసం ఏడేళ్లు, గరిష్టంగా పదేళ్ల వరకు జైలు శిక్ష విధించవచ్చు.
విటులు లైంగిక దోపిడీదారులే!
Published Tue, May 26 2015 12:56 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
చెలరేగిన ఆర్సీబీ బౌలర్లు.. 147 పరుగులకు గుజరాత్ ఆలౌట్
కాలేజీ ఫెస్ట్లో ఉర్రూతలూగించిన సింగర్ కార్తీక్ (ఫోటోలు)
ట్రెండింగ్లో 'హీరామండి'.. సిరీస్పై అద్భుతమైన ప్రశంసలు
ఆయన 27 ఏళ్లు పెద్ద.. మాజీ సీఎంతో రెండో పెళ్లి.. ఎవరీ నటి?
పూంచ్లో ఉగ్రదాడి.. సైనికులకు గాయాలు
శుబ్మన్ గిల్కు ఏమైంది.. ఇలా అయితే కష్టమే! వీడియో వైరల్
ఐసీయూలో అమ్మ... కలుస్తానంటే వెళ్లనివ్వలేదు: ప్రముఖ టీవీ నటి
యూనీసెఫ్ ఇండియా నేషనల్ అంబాసిడర్గా 'కరీనా కపూర్'
‘ఆప్’ స్టార్ క్యాంపెయినర్ల లిస్టులో కేజ్రీవాల్ పేరు
టీ20 వరల్డ్కప్ వస్తోంది.. బుమ్రాకు విశ్రాంతి ఇవ్వండి: జాఫర్
తప్పక చదవండి
- ఐపీఎల్పై వివాదాస్పద కామెంట్స్.. క్లారిటీ ఇచ్చిన స్టార్ డైరెక్టర్
- ట్రెండింగ్లో 'హీరామండి'.. సిరీస్పై అద్భుతమైన ప్రశంసలు
- పూంచ్లో ఉగ్రదాడి.. సైనికులకు గాయాలు
- ఐసీయూలో అమ్మ... కలుస్తానంటే వెళ్లనివ్వలేదు: ప్రముఖ టీవీ నటి
- రాకాసి నర్సుకు 760 ఏళ్ల జైలు శిక్ష : అసలు ఏమైందంటే..!
- బీజేపీలో చేరిన ఢిల్లీ మాజీ కాంగ్రెస్ చీఫ్ అరవిందర్ సింగ్
- రాయ్బరేలి బరిలో రాహుల్.. వయనాడ్ ఓటర్ల ఫీలింగ్ ఇదే..!
- బాలుడి ఊపిరితిత్తుల్లోకి ఎల్ఈడీ బల్బు.. డాక్టర్లు ఏం చేశారంటే..
- చంద్రబాబు మేనిఫెస్టో మాయలు గుర్తున్నాయా?: సీఎం జగన్
- Tech Layoffs 2024: షాకింగ్ రిపోర్ట్: ఒక్క నెలలోనే 21 వేల టెకీలకు ఉద్వాసన
Advertisement