హైదరాబాద్: హైదరాబాద్ మహానగరంలో విక్రయిస్తున్నదంతా కల్తీ కల్లేనని కాంగ్రెస్ ఎంపీ వి.హనుమంతరావు విమర్శించారు. శనివారం ఆయన ఇక్కడ మీడియాతో మాట్లాడుతూ.. చెట్లు లేని హైదరాబాద్లో అసలైన కల్లు ఎలా సాధ్యమవుతుందని ప్రశ్నించారు. కల్లీకల్లును ప్రభుత్వం వెంటనే నిలిపేయాలని ఆయన డిమాండ్ చేశారు.

ఐదు కోట్లు ఈత చెట్లు పెంచుతామని చెప్పిన సీఎం కేసీఆర్ ఇచ్చిన మాట నిలబెట్టుకోవాలన్నారు. అదే విధంగా ఆ చెట్లు పెరిగాకే వాటి కల్లును విక్రయించాలని చెప్పారు. హైదరాబాద్లో కల్లు విక్రయాలతో లాభ పడుతున్నది మద్యం కాంట్రాక్టర్లేనని ఆయన ఆరోపించారు. అంతే కానీ గీత కార్మికులకు ఒరిగిందేమీ లేదని వీహెచ్ ఆగ్రహం వ్యక్తం చేశారు.