లక్నో: సయ్యద్ మోడీ బ్యాడ్మింటన్ టోర్నీలో తెలుగుతేజం పారుపల్లి కశ్యప్ విజేతగా నిలిచాడు. కశ్యప్ పురుషుల సింగిల్స్ టైటిల్ను సొంతం చేసుకున్నాడు.
 
 ఆదివారం జరిగిన ఫైనల్లో మూడో సీడ్ కశ్యప్ 23-21, 23-21తో మరో తెలుగుతేజం, టాప్ సీడ్ శ్రీకాంత్ను ఓడించాడు. 52 నిమిషాల పాటు హోరాహోరీగా సాగిన పోరులో కశ్యప్ వరుస గేమ్లో గెలిచాడు. ఇక మహిళల సింగిల్స్లో తెలుగుతేజం సైనా నెహ్వాల్ టైటిల్ కైవసం చేసుకుంది.


 న్యూఢిల్లీ: సయ్యద్ మోడీ బ్యాడ్మింటన్ టోర్నీలో డిఫెండింగ్ చాంపియన్, భారత ఏస్ షట్లర్ సైనా నెహ్వాల్ టైటిల్ నిలబెట్టుకుంది. తెలుగుతేజం సైనా ప్రపంచ చాంపియన్ కరోలినా మరిన్ (స్పెయిన్)ను చిత్తుచేసి విజేతగా నిలిచింది.
 
 ఆదివారం జరిగిన ఫైనల్లో సైనా 19-21, 25-23, 21-16 స్కోరుతో కరోలినాపై నెగ్గింది. హోరాహెరీగా సాగిన ఈ మ్యాచ్లో తొలి గేమ్ కోల్పోయిన హైదరాబాదీ ఆనక పుంజుకుంది. నువ్వా నేనా అన్నట్టు సాగిన రెండో గేమ్ను నెగ్గి మ్యాచ్ అవకాశాలను సజీవంగా ఉంచుకుంది. నిర్ణాయక మూడో గేమ్లో సైనా ఆధిక్యం ప్రదర్శించి మ్యాచ్ను సొంతం చేసుకుంది.