చాలామంది గంటలకొద్ది పనిచేసిన సంపాదన మాత్రం అతంత మాత్రంగానే ఉంటుంది. ఇంకొందరూ పడే కష్టం చూస్తే బాధేస్తుంది. వాళ్ల సంపాదన కనీసం రోజు గడవడానికి కూడా సరిపోదు. కానీ ఈ వ్యక్తి రోజుకి మహా అయితే 20 నిమిషాలకు మించి పనిచేయడు. కానీ ఏడాదికి ఏకంగా రూ. 3.8 కోట్లు ఆర్జిస్తున్నాడు. ఎలా? అతడి విజయ రహస్యం ఏంటీ అంటే.. ఓర్లాండ్‌ నివాసి ప్రాన్సిస్కో రివెరా ఫిబ్రవరి 2023లో ఆన్‌లోన్‌ ట్యూటర్‌గా పార్ట్‌ టైం ఉద్యోగం చేస్తూ, మరోవైపు పాఠశాలలో టీచర్‌గా పనిచేసేవాడు. అయితే అది అతనికి పెద్దగా వర్కౌట్‌ అవ్వలేదు. రోజంతా కష్టపడ్డా సంపాదిస్తుంది ఎంత అనే ఫీల్‌తో ఉండేవాడు. ఏదైన ప్రత్యామ్నాయ ఆదాయ మార్గం కోసం తెగ అన్వేషించేవాడు రివెరా. అలా యూట్యూబ్‌లో బిజినెస్‌కి సంబంధించిన  ప్రింట్‌ ఆన్‌ డిమాండ్‌(పీవోడీ) సైడ్‌ హాస్లర్‌ యూట్యూబ్‌ వీడియోలతో ప్రేరణ పొంది ఆర్గానిక్‌ క్యాండిల్స్‌ తయారు చేసి విక్రయించే ఎట్సీ((Eassiest Way To Start(Ety)) అనే దుకాణాన్ని పెట్టానలుకున్నాడు. ముదుగా ఆర్గానిక్‌ కొవ్వుత్తులు తయారు చేయడం నేర్చుకున్నాడు. ఆ తర్వాత ఆన్‌లైన్‌లో ఎలా విక్రయించాలి, ఎలా ప్రొడక్ట్‌లని డిజైన్‌  చేయడం అనేవి ఆ పీవోడీ వీడియోల ద్వారా పూర్తి పరిజ్ఞానాన్ని పొందాడు. ఆ తర్వాత ఆన్‌లైన్‌లో కూడా బిజినెస్‌ బాగా విస్తరించేలా చేశాడు. ఇలా అతడి ఎట్సీ దుకాణం గతేడాది సుమారు రూ. 3.8 కోట్లు లాభాలు అందుకుంది. ప్రతి అమ్మకంలో దాదాపు 30% నుంచి 50% లాభలను అందుకున్నామని రివెరా చెప్పుకొచ్చాడు. తాను కేవలం మార్కెటింగ్‌కి, ప్రింట్‌ఫై సేవల కోసమే ఖర్చు చేస్తున్నాని తెలిపారు. తాను కొన్ని రోజులు 20 నిమిషాలే పనిచేస్తానని, ఒక్కోసారి మాత్రం రెండు గంటల వరకు పని చేస్తానని అది కూడా కొత్త ట్రెండ్స్‌పై పరిశోధన చేయడం,  లేబుల్స్‌ డిజైన్‌ చేయడానికి ఇంత టైం పడుతుందని చెప్పుకొచ్చారు. మిగిలిన సమయం అంతా సంగీతంపై దృష్టి పెడతానని అన్నారు. తానిప్పుడూ గతంలో కంటే ఎక్కువ సంపాదిస్తున్నాను, తక్కువే పనిచేస్తున్నానని ఆనందంగా చెప్పుకొచ్చారు రివెరా.  అంతేగాదు మీరు 9 టు 5 జాబ్‌లో ఉండి సరైన సంపాదన లేనప్పుడూ మంచి ఆదాయమార్గం వైపు దృష్టిసారించడం ఓ స్టాండర్డ్‌ని తీసుకోవడం చేయాలి చెబుతున్నాడు రివెరా. కాగా ప్రింట్‌ ఆన్‌ డిమాండ్‌(పీవోడీ) సైడ్‌ హాస్టల్స్‌ కొత్తగా వ్యాపారం చేయాలనుకునేవాళ్లకు ఎలాంటి వ్యాపారాలు చేస్తే మంచిది, ఎలా ప్రారంభించాలి, ట్రైనింగ్‌ వంటివి అన్ని ఔత్సాహికులకు నేర్పించే యూట్యూబ్‌ ఛానెల్‌. ఆయా వ్యక్తులకు వ్యాపారానికి కావాల్సిన గైడన్స్‌ ఇవ్వడమే గాక మార్కెటింగ్‌ సంబంధించిన సహాయసహకారాలు కూడా అందిస్తుంది. దీని సాయంతో ఎంతో మంది ఈజీగా ఆదాయాన్ని గడించి బిజినెస్‌లతో దూసుకుపోయిన వారెందురో ఉన్నారు కూడా.  (చదవండి: ఆ మూడు సమయాల్లో అస్సలు బ్రష్‌ చేయకూడదట..!)

బిలియనీర్లు, బిజినెస్‌ దిగ్గజాల ఇంట్లో పెళ్లి అంటే ఆ సందడి మామూలుగా ఉండదుగా. రిలయన్స్‌ అధినేత  ముఖేష్‌ అంబానీ, నీతా అంబానీ దంపతుల చిన్న కుమారుడు, వ్యాపారవేత్త అనంత్‌అంబానీ,  రాధిక మర్చంట్‌ మూడుముళ్ల వేడుక అంటే అంచనాలు భారీగానే  ఉన్నాయి. ఇప్పటికే  అంబానీ చేతితో రాసారని చెబుతున్న ఇన్విటేషన్‌ కార్డ్‌ ఒకటి నెట్టింట హల్‌ చల్‌ చేసింది. అయితే, అంబానీ కుటుంబం ఈ వార్తలను ధృవీకరించలేదు అలాగని ఖండించనూ లేదు.దీంతో మరిన్ని ఊహాగానాలు, అంచనాలు  వెలుగులోకి వస్తున్నాయి.  జూలైలో అనంత్ అంబానీ, రాధిక మర్చంట్ గ్రాండ్ వెడ్డింగ్ అంబానీ ఫ్యాన్ పేజీలలో ప్రకారం, అనంత్ ,రాధిక  జూలై 2024లో ముంబైలో గ్రాండ్ వెడ్డింగ్‌ జరగనుంది.జూలై 10, 11 , 12 తేదీల్లో అంగరంగ వైభవంగా జరగనున్న  ఈ పెళ్లికి VIP గెస్ట్ హౌస్‌లతో పాటు 1200 మంది అతిథులు రానున్నారు.  సింగర్, దిల్జిత్ దోసాంజ్ వారి వివాహానికి ముందు ఉత్సవాల్లో అనేక మంది ప్రదర్శనకారులలో ఉంటారు. జామ్‌నగర్‌లోని రిలయన్స్ గ్రీన్స్‌లో ఈ ఏడాది మార్చిలో అనంత్ అంబానీ , రాధిక మర్చంట్ ప్రీ వెడ్డింగ్ వేడుకలు షురూ అవుతాయి.దీంతో  పాటు  అనంత్ అంబానీ , రాధిక డిజైనర్‌ దుస్తులు, విందు, ఇలా పెళ్లికి సంబంధించి అనేక  పుకార్లు సోషల్ మీడియాలో చక్కర్లు కొడుతున్నాయి. ఇప్పటికే  పెళ్లి హడావిడి మొదలైందని కొన్ని ఫోటోలు షేర్‌ అవుతున్నాయి. ఇందులో వధువు తండ్రి, వ్యాపారవేత్త వీరేన్ మర్చంట్ రాధిక స్నేహితులతో కలిసి పోజులిచ్చాడు.  ఎంబ్రాయిడరీ నెహ్రూ జాకెట్‌, బ్లాక్‌ కలర్‌ బంద్‌గాలా షేర్వాణిలో వీరేల్‌ హుందాగా కనిపించాడు.  Anti Valentine Week 2024 : చెంప పగలగొట్టు...బ్రేకప్‌ చెప్పేయ్‌..! దివ్యాంగులు తయారు చేసిన స్పెషల్‌   క్యాండిల్స్‌ మరో ఇంట్రస్టింగ్‌ వార్త ఏంటంటే..పెళ్లికి వచ్చిన అతిథులకు మహాబలేశ్వర్‌లోని  అంధ ళాకారుల తయారు చేసిన  ప్రత్యేక కొవ్వొత్తులను బహుమతిగా ఇస్తారట.   స్వదేశీ పురాతన హస్తకళ, అమూల్యమైన వారసత్వ సంపదకు ఇషా అంబానీ సపోర్ట్‌ చేస్తున్న నేపథ్యంలో వారికి మద్దతుగా ఈ నిర్ణయం తీసుకున్నట్టు సమాచారం. అలంకరణకు కూడా  వీటిని ఎక్కువగా వాడనున్నారట.  ( ‘గో నిషా గో’ గేమ్‌ : వారి కోసమే, డౌన్‌లోడ్లతో దూసుకుపోతోంది)

బర్త్‌డేలను సెలబ్రేట్‌ చేసుకోవడం ఎవరికి మాత్రం ఇష్టం ఉండదు.. చిన్నాపెద్దా తేడా లేకుండా తమ స్థాయిని బట్టి స్పెషల్‌ వేడుకలను జరుపుకుంటారు. పుట్టినరోజు నాడు అందరూ కామన్‌గా చేసేది.. క్యాండిల్స్‌ ఊది కేక్‌ కట్‌ చేయడం. అసలు బర్త్‌డేలకు కేక్‌ ఎందుకు కట్‌ చేస్తారు? క్యాండిల్‌ ఊదడం వెనుక కారణాలు ఏంటి? అసలు ఈ కల్చర్‌ ఎక్కడినుంచి వచ్చింది అన్నది ఈ స్టోరీలో తెలుసుకుందాం.. బ‌ర్త్‌డేల‌కు క్యాండిల్స్ ఊది, కేక్ క‌ట్ చేయ‌డం అన్న సంప్ర‌దాయం ఇప్ప‌టిది కాదు. 1808వ సంవ‌త్స‌రంలోనే ఇది ప్రారంభ‌మైంద‌ని చెబుతారు. జ‌ర్మ‌నీలో అప్ప‌ట్లో కిండ‌ర్‌ఫెస్ట్ పేరిట కేవ‌లం పిల్ల‌లకు మాత్ర‌మే బ‌ర్త్ డే వేడుక‌ల‌ను నిర్వ‌హించేవార‌ట‌. మ‌నం క‌ట్ చేసే సుతిమెత్త‌ని మృదువైన కేకులా మ‌న జీవితం కూడా సాఫీగా సాగాల‌ని నమ్ముతారు. అందుకే స్పెషల్‌ వేడుకల్లో కేక్‌ను కట్‌ చేస్తారు. ఆ తర్వాత అతి తక్కువ సమయంలోనే ఈ కల్చర్‌ ప్రపంచ వ్యాప్తంగా విస్తరించింది. ఇక క్యాండిల్స్‌ ఊదే సంప్రదాయం మాత్రం గ్రీకుల కాలం నుంచి వచ్చిందని అంటారు. గ్రీకు దేవత ఆర్టెమిను ఆరాధించడం కోసం కొవ్వొత్తులను వెలిగించేవారట.ఆమెను పూజించేటప్పుడు గుండ్రని కేకుపై క్యాండిల్స్‌ వెలిగించేవారట. ఆ వెలుగు చంద్రుని ప్రకాశానికి ప్రతీకగా భావించేవారట. క్యాండిల్స్‌ ఊదడం వల్ల వచ్చే పొగను గ్రీకులు పవిత్రంగా భావించేవారట. అందుకే క్యాండిల్‌ ఊదేటప్పుడు మేక్‌ ఏ విష్‌ అంటారు. అంటే మనం అనుకున్నది నెరవేరాలని మనస్పూర్థిగా ప్రార్థించడం. క్యాండిల్‌ పొగ దేవతను చేరుతుందని, అలా తమ కోరికలు నెరవేరుతాయని నమ్మకం. అలా అప్పటి నుంచి ఈ కల్చర్‌ను అందరూ ఫాలో అవుతున్నారు. ఇదీ బర్త్‌డే నాడు క్యాండిల్స్‌ ఊదడం వెనకున్న కథ. 

సిట్రస్‌ ఫ్రూట్స్‌లో నారింజ పండు చాలా ప్రత్యేకం. ఇది రోగ నిరోధక శక్తిని పెంచడంతో పాటు అనేక అనారోగ్య సమస్యలను దూరం చేస్తుంది. వీటిలోని యాంటీ బాక్టీరియల్, యాంటీ వైరల్, యాంటీ సెప్టిక్ గుణాలు చర్మానికి ఎంతో మేలు చేస్తాయి.. ఇలా నారింజ పండుతో బోలెడన్నీ ప్రయోజనాలు ఉన్నాయన్నది తెలిసిందే. అయితే నారింజ పండ్లను తినేసి తొక్కే కదా తీసిపారేస్తాం.కానీ ఇప్పట్నుంచి అలా చేయకండి. నారింజ తొక్కలతో మంచి సువాసన భరితమైన కొవ్వత్తులను తయారు చేసుకోవచ్చు. అదెలాగో ఇప్పుడు చూద్దాం.   తయారీకి కావాల్సిన పదార్థాలు నారింజ తొక్కలు కత్తి లేదా టేబుల్‌ స్పూన్‌ నూనె(వెజిటెబుల్‌, ఆలివ్‌, ఏదైనా) నారింజ పండును ముందుగా రెండు భాగాలుగా కట్‌ చేసుకోండి. ఒక టేబుల్‌ స్పూన్‌ సహాయంతో గుజ్జును వేరు చేయండి. కొవ్వొత్తిని తయారుచేయడానికి లోపలున్న విక్‌ను అలాగే ఉంచండి. ఇప్పుడు ఆ నారింజ పండులో వెజిటెబుల్‌ ఆయిల్‌ లేదా కరిగించిన మైనాన్ని జాగ్రత్తగా పోసి ఆరనివ్వండి. ఆ తర్వాత విక్‌ను వెలిగించండి..అంతే మీ ఆరెంజ్‌ క్యాండిల్‌ రెడీ అయినట్లే. నారింజలోని సిట్రస్‌ వల్ల క్యాండిల్‌ వెలిగించినప్పుడు ఇంట్లో మంచి సువాసనను వెదజల్లుతుంది.

‘లోకోభిన్న రుచి’ అని సామెత. యూఎస్‌ఏలోని ఇదాహోకు చెందిన డేవిడ్‌ రష్‌ అందుకు ఉదాహరణ.  రికార్డులంటే పిచ్చి ఉన్న రష్‌... 250 గిన్నిస్‌ రికార్డులు సాధించాలని లక్ష్యంగా పెట్టుకున్నాడు. అందులో భాగంగా 150 క్యాండిల్స్‌ను నోట్లో పెట్టుకుని మండించాడు. 30 సెకన్లపాటు హోల్డ్‌ చేసి వరల్డ్‌ రికార్డు సాధించాడు. గతంలో 105 క్యాండిల్స్‌తో ఉన్న రికార్డును బద్దలు కొట్టాడు. హౌ క్రేజీ అనుకుంటున్నారా! ఈ ఒక్కదానికే... ఇంకా ఇతనికి చాలా రికార్డులున్నాయి. గతంలో 111 టీషర్ట్‌లు ధరించి హాఫ్‌ మారథాన్‌ కూడా చేశాడు రష్‌. 111 టీషర్టులను ఒంటిపై ఉంచుకుని 2 గంటల 47 నిమిషాల 55 సెకన్లపాటు మారథాన్‌ చేసి హాఫ్‌ మారథాన్‌లో అత్యధిక టీషర్టులు ధరించిన వ్యక్తిగా రికార్డు సాధించాడు. అతనికి అన్ని టీషర్టులు తొడగడానికే 25 నిమిషాలు పట్టిందట.   చదవండి: కనుగుడ్లను బయటకు పెట్టి చూస్తే గిన్నిస్‌ రికార్డు