ఆదాయానికి మించిన ఆస్తుల కేసులో కర్నాటకలోని పరప్పణ అగ్రహార జైలులో శిక్ష అనుభవిస్తున్న చిన్నమ్మ శశికళ రాజకీయ వ్యూహాలకు పదును పెడుతున్నట్లు సమాచారం. జైలు నుంచే తమిళ రాజకీయాలను శాసించేలా తన వేగులను సిద్ధం చేసుకుంటున్నట్లు తెలుస్తోంది. తన విధేయుడు ఎడప్పాడి పళనిస్వామి బల పరీక్ష సమాచారాన్ని శనివారం ఆమె ఎప్పటికప్పుడు తెలుసుకోవడమే కాకుండా కొన్ని ప్రత్యేక మార్గాల ద్వారా జైలు నుంచే అన్నాడీఎంకే నేతలకు ఆదేశాలను జారీ చేసినట్లు విశ్వసనీయ వర్గాల సమాచారం.