వేములవాడ: భాతర ప్రధాన మంత్రి నరేంద్ర మోదీ సోదరుడు ప్రహ్లాద్‌ మోదీ శుక్రవారం రాత్రి వేములవాడ చేరుకున్నారు. ఆయన శనివారం ఉదయం 6.30 గంటలకు రాజన్నను దర్శించుకోనున్నారు. ప్రహ్లాద్‌ మోదీకి వేములవాడ బీజేపీ ఎమ్మెల్యే అభ్యర్థి ప్రతాపరామకృష్ణ పుష్పగుచ్ఛం ఇచ్చి స్వాగతం పలికారు.    

సాక్షి, వేములవాడ: గత అసెంబ్లీ ఎన్నికల్లో బీజేపీ పార్టీ తరఫున పోటీ చేసిన ఆది శ్రీనివాస్‌కు ప్రస్తుత బీజేపీ పార్టీ జిల్లా అధ్యక్షుడు ప్రతాప రామకృష్ణ అప్పుడు మద్దతు పలుకుతూ ప్రచారం నిర్వహించారు. నాటి మిత్రులు నేడు ప్రత్యర్థులుగా పోటీలో ఉండే అవకాశాలు ఉన్నాయి. కాంగ్రెస్‌ పార్టీ తరఫున ఆది శ్రీనివాస్‌ పోటీ చేస్తున్న నేపథ్యంలో బీజేపీ నుంచి ప్రతాప రామకృష్ణ బరిలో నిలవనున్నారు. బుధవారం పాతమిత్రులు ఇలా కలుసుకున్నారు.


 ►కేంద్ర ప్రభుత్వ పథకాలను ప్రజలకు చేరవేద్దాం
 ► బీజేపీ జిల్లా అధ్యక్షుడు ప్రతాపరామకృష్ణ
 ముస్తాబాద్‌ : గడపగడపకూ భారతీయ జనతా పార్టీని తీసుకెళ్లాలని ఆ పార్టీ జిల్లా అధ్యక్షుడు ప్రతాపరామకృష్ణ కోరారు.  మండల కేంద్రంలో బీజేపీ కార్యాలయాన్ని ఆదివారం ఆయన ప్రారంభించారు. ఈసందర్భంగా ఆయన మాట్లాడుతూ నరేంద్రమోదీ నాయకత్వంలో భారత దేశం అభివృద్ధిబాటలో పయనిస్తోందన్నారు. కేంద్ర ప్రభుత్వ పథకాలను పల్లెల్లో ప్రజలకు చేరవేయడంలో కార్యకర్తలు, నాయకులు కృషి చేయాలని కోరారు.
 గ్రామీణస్థాయిలో పార్టీ బలోపేతానికి కృషి చేయాలన్నారు. విభేదాలను పక్కనపెట్టి సమష్టిగా పనిచేయాలన్నారు. రాష్ట్ర ప్రభుత్వం అవలంబిస్తున్న ప్రజావ్యతిరేక విధానాలను ఎండగట్టాలని, ప్రజలను ఆ దిశగా చైతన్యవంతులను చేయాలని కోరారు. ఈ సమావేశంలో బీజేపీ రాష్ట్ర కార్యవర్గ సభ్యుడు మేర్గు హన్మంతుగౌడ్, బీజేవైఎం జిల్లా అధ్యక్షుడు ఎంపెల్లి వంశీకృష్ణ, కిసాన్ మోర్చా అధ్యక్షుడు మల్లారెడ్డి, మండల అధ్యక్షుడు రాంగోపాల్, పట్టణ అధ్యక్షుడు దేవేందర్‌ తదితరులు పాల్గొన్నారు.