-
ప్రపంచంలోనే ఖరీదైన గడియారాలు.. ధరెంతో తెలుసా..? (ఫొటోలు)
-
టిక్.. టిక్.. టిక్.. వాచ్ డిజైనర్..
విలువైన కెరీర్కు చక్కటి ‘టైమ్’ టైమ్.. ఎంతో విలువైంది. పోటీ ప్రపంచంలో ప్రతి క్షణం, ప్రతి నిమిషం ప్రధానం. అలాంటి టైమ్ను సూచించే గడియారాలు.. నేడు విలువైన కెరీర్ను అందించడంలో.. లక్షల జీతం సొంతం చేసుకోవడంలో.. మెరుగైన ఉపకరణాలుగా మారుతున్నాయి. ఆధునిక ప్రపంచంలో లేటెస్ట్ ట్రెండ్స్ రాజ్యమేలుతున్న నేటి పరిస్థితుల్లో సమయాన్ని సూచించే గడియారాలు కూడా కొత్త ఆకృతులతో ఆకర్షిస్తున్నాయి. ఇలా ఆకర్షించే విధంగా వాచ్ల డిజైన్ను రూపొందించడం వెనుక ఎంతో శ్రమ. మరెంతో సృజనాత్మకత ఉంది. వంద రూపాయల మొదలు.. లక్షల రూపాయల వరకు ఆయా స్థాయిల వినియోగదారుల కొనుగోలు శక్తిని దృష్టిలో పెట్టుకుని రూపొందించడం ఒక ప్రత్యేక కళ. ఆ కళను అందించించడంతోపాటు కలర్ఫుల్ కెరీర్కు.. సోపానంగా నిలుస్తున్న వాచ్ డిజైనర్ కెరీర్పై ఫోకస్. గడియారం.. వాచ్.. అంటే 12 అంకెలు.. రెండు ముళ్లతో సమయాన్ని సూచించే సాధనం. వాల్ క్లాక్ అయినా రిస్ట్ వాచ్ అయినా గడియారం ఉద్దేశం అదే. కానీ ఆధునిక ప్రపంచంలో, అత్యాధునిక అభిరుచులకు అనుగుణంగా గడియారాలను డిజైన్ చేయడం అంత సులువేమీ కాదు. అందుకే నేడు వాచ్ డిజైనర్ విధి ఎంతో క్రియాశీలకమైంది. ఒక నిర్దిష్ట ఆకృతిలో వాచ్ను డిజైన్ చేయాలంటే.. దానికోసం చేయాల్సిన కసరత్తు కూడా ప్రత్యేకం. ప్రస్తుత వినియోగదారుల అభిరుచి, ట్రెండ్ను పరిశీలించడం- విశ్లేషించడం; వీటికి అనుగుణంగా ముందుగా పలు రకాల ఆకృతులను రూపొందించడం, అన్నిటిలోకి అత్యున్నత ఆకృతి ఏంటని ఆలోచించడం, కొత్త వాచ్ డిజైన్ వెనుక ఉద్దేశాన్ని గుర్తించడం ఇలా ఎన్నో ప్రక్రియలు ఇమిడి ఉంటాయి. వీటన్నిటి కలయికతోనే ఆకర్షణీయమైన ఆకృతికి ఆస్కారం. ‘టైమ్’.. టు ‘టీం’ వర్క్: వాస్తవానికి సృజనాత్మకతకు పెద్దపీట వేసే డిజైన్ కోణంలో పరిగణిస్తే.. వాచ్ డిజైన్లో ఇది మరింత ఆవశ్యకం. లక్షల మంది వినియోగదారులను ఆకర్షించేలా డిజైన్ చేసే విషయంలో టీం వర్క్కి ఎంతో ప్రాధాన్యం ఉంటుంది. ఈ క్రమంలో ఉత్పత్తి ఉద్దేశాన్ని వివరించడం, ఆలోచనను తెలపడం, సహచరులతో పరస్పర అభిప్రాయ సేకరణ, ఆలోచనను పంచుకోవడం, గ్రూప్ ప్రజెంటేషన్, ఇంటరాక్షన్ కోసం టీం వర్క్ తప్పనిసరి. తద్వారా కాన్సెప్ట్లను కుదించడం, టెక్నికల్ డ్రాయింగ్స్కు రూపమివ్వడం, వాటి మాతృకలను పరిశీలించి.. చివరికి ప్రస్తుత అవసరానికి అనువైన ఆకృతికి రూపమివ్వడం సాధ్యమవుతుంది. వృద్ధి బాటలో పరిశ్రమ: వాచ్ ఇండస్ట్రీ ప్రస్తుతం 8 శాతం వార్షిక వృద్ధితో పురోగమిస్తోంది. దీంతో వాచ్ డిజైనింగ్ సృజనాత్మక కోణంలో అత్యున్నత విభాగంగా నిలుస్తోంది. వాచ్ డిజైనింగ్లో విధులు నిర్వర్తించే క్రమంలో సదరు వాచ్ భౌతిక పరిమాణాలను దృష్టిలో పెట్టుకుని డయల్స్, స్ట్రాప్స్, కేస్ వంటి వాటిని రూపొందించాల్సి ఉంటుంది. ఈ ప్రక్రియలో ప్రధానమైంది, ప్రాథమికమైంది లక్షిత వినియోగదారుల అభిరుచి, ఆసక్తులను పరిగణనలోకి తీసుకోవడం. పని వేళలు ఇలా: వాచ్ డిజైనర్ వృత్తి ఉదయం తొమ్మిది గంటలకు మొదలై సాయంత్రం అయిదు గంటలకు విధులు ముగిసే ఉద్యోగం కాదు. సృజనాత్మకత కీలకమైన డిజైనింగ్ విభాగంలో అనుక్షణం కొత్త ఆలోచనలను పదును పెట్టాల్సిందే. అంటే ఒకరకంగా ఇది 24ఁ7 తరహా ఉద్యోగంగానే భావించాలి. ఆఫీసులో ఉన్నా.. ఇంటి వద్ద ఉన్నా.. కొత్త ఆలోచన రాగానే దానికి పెన్ను, పేపర్తో ప్రాథమిక రూపమివ్వడం అనేది ప్రాధాన్యం. దాని ద్వారా భవిష్యత్తులో మంచి డిజైన్ల రూపకల్పనకు ఆస్కారం లభిస్తుంది. ఇక.. డిజైన్ ప్రజెంటేషన్స్; మీటింగ్స్, ఫ్యాక్టరీ విజిట్స్, కొత్త డిజైనర్లకు శిక్షణనివ్వడం, ఇతర డిజైనర్లతో కలిసి పని చేయడం; క్లయింట్లతో చర్చలు వంటివి సాధారణంగా ఒక రోజులో వాచ్ డిజైనర్ విధుల్లో భాగంగా ఉంటాయి. లక్షల్లో వేతనాలు: వాచ్ డిజైనర్ ఇండస్ట్రీలో ఎంట్రీ లెవల్ నుంచి డిజైన్ డెరైక్టర్ స్థాయి వరకు చేరుకోవచ్చు. ప్రారంభంలో రూ. 5 లక్షల నుంచి రూ. 6 లక్షల వార్షిక వేతనం గ్యారంటీ. కొంత అనుభవం లభించాక సీనియర్ డిజైనర్గా రూ. 8 లక్షలు అందుకునేందుకు ఎన్నో అవకాశాలు. డిజైన్ మేనేజర్గా రూ. 16 లక్షల వార్షిక వేతనం పొందడం కూడా సాధ్యమే. కావల్సిన నైపుణ్యాలు: సృజనాత్మక సమయస్ఫూర్తి లక్ష్యంపై ఆసక్తి తగిన ఆకృతులు, ప్రమాణాలను గుర్తించే లక్షణం సాంకేతిక పరికరాలపై పరిజ్ఞానం చిన్నపాటి పరిమాణంలోని ఆకృతులను గుర్తించే లక్షణం నిరంతరం నేర్చుకోవాలనే అభిరుచి పరిశీలనాత్మక దృక్పథం వినియోగదారుల అవసరాలను గుర్తించడం సమస్యలను విశ్లేషించి పరిష్కరించే నైపుణ్యం వాచ్ డిజైన్లో అడుగు పెట్టాలంటే: ఈ రంగంలో కెరీర్ కోరుకునే ఔత్సాహికులకు ముందుగా డిజైన్ ఆప్టిట్యూడ్ ఉండాలి. డిజైన్లో డిగ్రీ కచ్చితంగా దోహదం చేస్తుంది. ఈ నేపథ్యంలో ప్రొడక్ట్ డిజైన్, ఇండస్ట్రియల్ డిజైన్, యాక్ససరీ డిజైన్ తదితర విభాగాల్లో బ్యాచిలర్ డిగ్రీ పూర్తి చేయడం ఉపకరిస్తుంది. ప్రస్తుతం దేశంలోని ఎందరో వాచ్ డిజైనర్లు ఇంజనీరింగ్ లేదా ఆర్కిటెక్చర్లో బ్యాచిలర్ డిగ్రీ పూర్తి చేశాక డిజైన్లో పీజీ చేసి మరీ ఈ రంగంలో అడుగు పెడుతున్నారు. డిజైన్ కోర్సులు.. ప్రముఖ ఇన్స్టిట్యూట్లు: నేషనల్ ఇన్స్టిట్యూట్ ఆఫ్ డిజైన్- అహ్మదాబాద్ వెబ్సైట్: www.nid.edu నేషనల్ ఇన్స్టిట్యూట్ ఆఫ్ ఫ్యాషన్ టెక్నాలజీ వెబ్సైట్: www.nift.ac.in క్రియేటివ్ అకాడెమీ-మిలాన్ వెబ్సైట్: www.creative-academy.com ఓయూలో లా కోర్సులు హైదరాబాద్లోని ఉస్మానియా యూనివర్సిటీ, డిపార్ట్మెంట్ ఆఫ్ లా వివిధ లా కోర్సుల్లో ప్రవేశానికి దరఖాస్తులు కోరుతోంది. పీజీ డిప్లొమా ఇన్ లాస్ విభాగాలు: సైబర్ లాస్, టాక్సేషన్ ఆండ్ ఇన్సూరెన్స్ లాస్, ఇంటలెక్చువల్ ప్రాపర్టీ రైట్స్ ఎంపిక: అక్టోబర్ 12న నిర్వహించనున్న ప్రవేశ పరీక్ష ద్వారా. అర్హతలు తదితర పూర్తి వివరాల కోసం వెబ్సైట్ చూడొచ్చు. వెబ్సైట్:www.osmania.ac.in ఎన్ఐబీఎంలో పీజీ డిప్లొమా పుణేలోని నేషనల్ ఇన్స్టిట్యూట్ ఆఫ్ బ్యాంకింగ్ మేనేజ్మెంట్ (ఎన్ఐబీఎం) పీజీ డిప్లొమా కోర్సులో ప్రవేశానికి దరఖాస్తులు కోరుతోంది. పీజీ డిప్లొమా ఇన్ మేనేజ్మెంట్ విభాగం: బ్యాంకింగ్ అండ్ ఫైనాన్షియల్ సర్వీసెస్ కాలపరిమితి: రెండేళ్లు అర్హతలు: 50 శాతం మార్కులతో ఏదైనా బ్యాచిలర్స్ డిగ్రీ ఉండాలి. 2014- క్యాట్/ సీమ్యాట్/ ఏటీఎంఏలో అర్హత సాధించాలి. ఆన్లైన్ రిజిస్ట్రేషన్: అక్టోబర్ 1 - జనవరి 31 వెబ్సైట్:www.nibmindia.org బార్కలో టెక్నీషియన్లు కల్పకంలోని బాబా అటామిక్ రీసెర్చ్ సెంటర్ (బార్క్) ఫెసిలిటీస్లో టెక్నీషియన్ పోస్టుల భర్తీకి దరఖాస్తులు కోరుతోంది. టెక్నీషియన్ - సి: 2, విభాగం: బాయిలర్ ఆపరేటర్ అర్హతలు: పదో తరగతి ఉత్తీర్ణతతో పాటు బాయిలర్ అటెండెంట్ సర్టిఫికెట్ ఉండాలి. వయసు: 18 నుంచి 30 ఏళ్ల మధ్య ఉండాలి. ఎంపిక: ట్రేడ్ టెస్ట్, పర్సనల్ ఇంటర్వ్యూ ద్వారా. చివరి తేది: సెప్టెంబర్ 19 వెబ్సైట్: http://www.barc.gov.in/ కాంపిటీటివ్ కౌన్సెలింగ్ గ్రూప్స్, సివిల్స్ వంటి వివిధ పోటీ పరీక్షల్లో జనరల్ సైన్స్కు ఎలా ప్రిపేర్ కావాలో తెలిపండి? - హెచ్. లహరి, కొత్తపేట జనరల్ సైన్స్ విభాగంలోని బయాలజీలో వృక్ష, జంతు వైవిధ్యం-వాటి లక్షణాలు; ప్రత్యేకతలపై దృష్టి సారించాలి. అదే విధంగా మానవ శరీర ధర్మశాస్త్రం; వ్యాధులకు అధిక ప్రాధాన్యతనివ్వాలి. గ్రూప్-1లో శరీర అవయవాలు- పని తీరు- వ్యాధులకు సంబంధించిన ప్రశ్నలు ఎక్కువగా అడుగుతున్నారు. అంతేకాకుండా ఈ విభాగంలో కరెంట్ అఫైర్స్తో సమ్మిళితమైన ప్రశ్నలూ కనిపిస్తున్నాయి. (ఉదా: ఇటీవల కాలంలో ప్రబలుతున్న వ్యాధులు, అమల్లోకి వచ్చిన టీకాలు, మందులు, చికిత్స విధానాలు, నోబెల్ పురస్కారాలు-సంబంధిత పరిశోధనలు వంటివి). ఫిజిక్స్ ప్రశ్నలు అప్లైడ్ ఏరియాస్ నుంచి వస్తున్నాయి. కాబట్టి మెకానిక్స్, ప్రమాణాలు, విద్యుత్, ఆధునిక భౌతిక శాస్త్రం ముఖ్యాంశాలుగా చదవాలి. రసాయన శాస్త్రానికి సంబంధించి సివిల్స్, గ్రూప్స్లో క్రమేణా ప్రాధాన్యం పెరుగుతోంది. నిత్య జీవితంలో మానవులు వినియోగించే పలు రసాయనాలు (ఉదా: కాస్మొటిక్స్, టాయిలెట్స్, ఫార్మాస్యూటికల్స్), ప్లాస్టిక్స్, పాలిమర్స్, కాంపొజిట్స్పై సమాచారం తప్పనిసరిగా సేకరించాలి. వీటికి అదనంగా లోహ సంగ్రహణ శాస్త్రం, ఆవర్తన పట్టిక ప్రత్యేకత, మూలకాలపై దృష్టి సారించాలి. ఇందుకోసం ప్రామాణిక పుస్తకాలతోపాటు గత ప్రశ్న పత్రాలను పరిశీలిస్తే సమగ్ర అవగాహన ఏర్పడుతుంది. - సి. హరికృష్ణ సివిల్స్ ఫ్యాకల్టీ, హైదరాబాద్
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
కొంచెం ఇష్టం... కొంచెం కష్టం...
వరల్డ్కప్కు సెలక్ట్ చేయలేదు.. ఆ కసి మొత్తం చూపించేశాడు
ల్యాండ్ టైట్లింగ్ యాక్ట్పై విపక్షాల రాద్ధాంతం అర్థరహితం
SRH vs RR: వారెవ్వా భువీ .. ఉత్కంఠ పోరులో ఎస్ఆర్హెచ్ విజయం
ఇంగ్లండ్ క్రికెట్లో తీవ్ర విషాదం.. యువ క్రికెటర్ మృతి
Best Pictures Of The Day : ఈ రోజు ఉత్తమ చిత్రాలు (02-05-2024)
Swapna Kondamma: బుల్లితెర నటి సీమంతం.. ఎంతో సింపుల్గా ఇంట్లోనే.. (ఫోటోలు)
హైదరాబాద్ vs రాజస్థాన్ రాయల్స్.. తళుక్కుమన్న తారలు (ఫొటోలు)
నితీష్ ఊచకోత.. 8 సిక్స్లతో వీర విహారం! వీడియో వైరల్
RR vs SRH: చెలరేగిన నితీష్ కుమార్.. రాజస్తాన్ ముందు భారీ టార్గెట్
తప్పక చదవండి
- కాంగ్రెస్ నేత వ్యాఖ్యలపై మండిపడ్డ మమతా బెనర్జీ
- 'కుబేర' సినిమా నుంచి నాగార్జున ఫస్ట్ లుక్ గ్లింప్స్ రిలీజ్
- ఓపెనర్గా కోహ్లి.. రోహిత్ శర్మ ఏమన్నాడంటే?
- T20 WC: కోహ్లిపై విమర్శలు.. చీఫ్ సెలక్టర్ స్పందన ఇదే
- రజనీకాంత్ సినిమా మేకర్స్కు ఇళయరాజా నోటీసులు
- ఏపీలో 4.14 కోట్ల మంది ఓటర్లు: ఏపీ ఎన్నికల అధికారి ఎంకే మీనా
- ప్రజ్వల్ రేవణ్ణపై లుక్ అవుట్ నోటీసులు..
- ఉడుపి హోటల్స్ ఎందుకంత ప్రసిద్ధి చెందాయో తెలుసా..!
- పవన్కు పోతిన మహేష్ బహిరంగ లేఖ.. ఆన్సర్ ప్లీజ్!
- ఏపీకి మహా ప్రమాదకారిగా బాబు & కో
Advertisement