లింగారావుపాలెం(యడ్లపాడు): స్కూల్‌æగేమ్స్‌ జిల్లా బాల్‌ బాడ్మింటన్‌  జట్ల ఎంపిక ప్రక్రియ మండలంలోని లింగారావుపాలెం జిల్లా పరిషత్‌ ఉన్నత పాఠశాలలో శుక్రవారం మొదలైంది. స్కూల్‌గేమ్స్‌ కమిటీ జిల్లా కార్యదర్శి నేతృత్వంలో ఏర్పాటు చేసిన సెలక్షన్‌ కమిటీ ఆధ్వర్యంలో నైపుణ్యం గల క్రీడాకారులను ఎంపిక చేస్తారు. అండర్‌–14, అండర్‌–17 విభాగాల్లో బాలికలు, బాలురకు వేర్వేరుగా ఎంపిక చేస్తున్నట్లు కమిటీ తెలిపింది. ఉదయం పది గంటలకు ఈ ఎంపిక ప్రక్రియను వ్యాయామోపాధ్యాయ సంఘం రాష్ట్ర అధ్యక్షుడు బి.కరిముల్లారావుచౌదరి ప్రారంభించారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ విద్యార్థులకు విద్య ఒక్కటే ముఖ్యం కాదని, క్రీడల్లో పాల్గొనడం ద్వారా వారిలోని మానసిక ఒత్తిడి పోయి, ఎంతో చురుగ్గా, శారీరక ధృఢత్వాన్ని కలిగి ఉంటారన్నారు. ఫలితంగా విద్యలోనూ రాణించగలరన్నారు.  జిల్లాలోని ప్రభుత్వ, ప్రైవేటు, ఎయిడెడ్, మున్సిపల్‌ పాఠశాలల నుంచి వచ్చిన క్రీడాకారులను పరిచయం చేసుకున్నారు. కార్యక్రమంలో జెడ్పీ హైస్కూల్‌ ప్రధానోపాధ్యాయుడు టి.రవీంద్రబాబు, పీఈటీ షేక్‌ ఖాదర్‌మస్తాన్, పీఈటీలు పాల్‌సుధాకర్, ఇస్మాయిల్, సీనియర్‌ పీఈటీ అమ్మయ్య తదితరులు ప్రతిభా పోటీలను పర్యవేక్షించారు. ఉదయం నుంచి సాయంత్రం వరకు అండర్‌ 14, అండర్‌–17 బాలురు, బాలికలకు వేర్వేరుగా పోటీలను నిర్వహించారు. 
  


 ఫిరంగిపురం: పట్టుదలతో ఆడి జిల్లా కీర్తి ప్రతిష్టలను ఇనుమడింపచేయాలని జిల్లా క్రీడాభివృద్ధి అధికారి (డీఎస్వో) శ్రీనివాసరావు సూచించారు.  ఫిరంగిపురంలోని సెయింట్‌ ఆన్స్‌ బాలికల హైస్కూల్‌లో బుధవారం నిర్వహించిన రాష్ట్ర స్థాయి హ్యాండ్‌బాల్‌ జిల్లా జట్టు ఎంపిక కార్యక్రమంలో ఆయన పాల్గొని మాట్లాడారు. జిల్లాలోని భట్టిప్రోలు, కొల్లూరు, ఫిరంగిపురం మండలాలకు చెందిన విద్యార్థినులను పోటీలకు ఎంపిక చేశారు. వీరంతా ఈ నెల 5,6 తేదీల్లో వైజాగ్‌లో నిర్వహించే పోటీల్లో  పాల్గొంటారని పేర్కొన్నారు. కార్యక్రమంలో పీడీ వెంగళరెడ్డి, పీఈటీ నిర్మల తదితరులు పాల్గొన్నారు.


 అనంతపురం సప్తగిరి సర్కిల్‌ : స్థానిక అనంత క్రీడాగ్రామంలో బుధవారం సబ్‌–జూనియర్‌ హాకీ జిల్లా బాలుర జట్టును ఎంపిక చేసినట్లు  జిల్లా హాకీ అసోసియేషన్‌ కార్యదర్శి విజయ్‌బాబు తెలిపారు.  ఎంపికైన జట్టు ఈ నెల 7–10 వరకు నెల్లూరులో జరిగే 7వ సబ్‌–జూనియర్‌ పోటీల్లో పాల్గొంటుందన్నారు. కార్యక్రమంలో ఆర్డీటీ స్పోర్ట్స్‌ డైరెక్టర్‌ నిర్మల్‌కుమార్, ట్రెజరర్‌ బాబయ్య తదితరులు పాల్గొన్నారు. 
  
 ఎంపికైన హాకీ బాలుర జట్టు ఇదే : చరణ్‌కుమార్, శివకుమార్‌నాయక్‌(పెడపల్లి), శివకుమార్‌నాయక్, సురేష్, జశ్వంత్‌(వెంకటాద్రిపల్లి), చంద్రమౌళి, సుమంత్‌(తలుపురు), వెంకటేష్‌(నరిమెట్ల), అశోక్‌(గోట్లూరు), రాకే ష్‌బాబు, యతీష్, ప్రవీణ్‌చంద్, సాయికిరణ్‌(అనంతపురం), కుశాల్‌కుమార్, ముకేష్, సాయికుమార్, సాయినాథ్‌రెడ్డి, గణేష్‌(ధర్మవరం),  కోచ్‌ : హస్సేన్, మేనేజర్‌ : బాలాజీ, కో–ఆర్డీనేటర్‌ : బాబయ్య 


 గుంటూరు స్పోర్ట్స్‌: అండర్‌–19 స్కూల్‌ గేమ్స్‌ ఫెడరేషన్‌ ఆధ్వర్యంలో ఆదివారం స్థానిక ప్రభుత్వ మహిళా కళాశాలలో బాలబాలికల జిల్లా రైఫిల్‌ షూటింగ్‌ జట్ల ఎంపిక నిర్వహించినట్లు ఫెడరేషన్‌ కార్యదర్శి ప్రసాద్‌ తెలిపారు. ఎంపికలను వ్యాయామ ఉపా«ధ్యాయుడు సంజీవరెడ్డి పర్యవేక్షించారు.  బాలుర విభాగంలో హర్షవర్ధన్‌రెడ్డి, వరుణ్‌ అవినాష్,  బాలికల విభాగంలో వై.శ్రీనిత్య, ఎం.రిషిత ఎంపికైనట్టు చెప్పారు.


    గణపవరం (గుంటూరు జిల్లా) గణపవరం చుండి రంగనాయకులు పాలిటెక్నిక్‌ కళాశాలలో శుక్రవారం జిల్లా స్ధాయి చౌక్‌బాల్‌ అండర్‌ 19 జట్టు ఎంపిక పోటీలు జరిగాయి. ఈ పోటీలకు జిల్లాలోని వివిధ కళాశాలల నుంచి వంద మందికి పైగా క్రీడాకారులు పాల్గొన్నారు. కార్యక్రమానికి ముఖ్య అతిథులుగా రాష్ట్ర చౌక్‌బాల్‌ అసోసియేషన్‌ అధ్యక్షుడు దామచర్ల శ్రీనివాసరావు, కార్యదర్శి ఎస్‌ సుధాకరరావు, ఉపాధ్యక్షుడు మువ్వా వేణు, జిల్లా చౌక్‌బాల్‌ అసోసియేషన్‌ అధ్యక్షుడు, సిఆర్‌ కళాశాల అధ్యక్షుడు చుండి విజయసారధి, కార్యదర్శి ఫిలిప్‌రాజు, ట్రెజరర్‌ ఊసా సుబ్బారావులు హాజరయ్యారు. బాయ్స్‌ విభాగంలో 12 మంది జట్టును ఎంపిక చేశారు. వీరితో పాటూ అదనంగా మరో ముగ్గురు క్రీడాకారులను ఎంపికచేశారు. ఎంపికైన ఈ రెండు జట్లు ఈ నెల 3, 4, 5 తేదీల్లో కడప జిల్లా, ప్రొద్దుటూరులో జరిగే రాష్ట్ర స్థాయి అండర్‌ 19 జిల్లా జట్టు తరపున స్కూల్‌గేమ్స్‌ ఫెడరేషన్‌ ఆఫ్‌ ఇండియా ఆధ్వర్యంలో పోటీల్లో పాల్గొననున్నారు. ఈ టీములకు కోచ్‌లుగా మనోహర్, అమీర్, మేనేజర్లుగా ఫిలిప్‌రాజు, వెంకటరమణ వ్యవహరించనున్నారు. కళాశాల ప్రిన్సిపాల్‌ పి లక్ష్మీరాజ్యం, డిగ్రీ కళాశాల ప్రిన్సిపల్‌ డాక్టర్‌ ఎం శ్రీనివాసరావు, ఇంజనీరింగ్‌ కళాశాల ప్రిన్సిపల్‌ డాక్టర్‌ యాదూసింగ్‌ఠాకూర్, అధ్యాపకులు పి శ్రీనివాసరావు ఉన్నారు.
 ఎంపికైన వారి వివరాలు. డి సుమంత్, గోపీకష్ణ (చైతన్య కళాశాల, చిలకలూరిపేట), ఐ వంశీకష్ణ, కె బాబు, ఎస్‌కే సమీర్‌ (మోడరన్‌ కళాశాల, చిలకలూరిపేట) బి నవీన్, (నారాయణ కళాశాల, చిలకలూరిపేట) ఎ భావనసాయి (భాష్యం, గుంటూరు), వి మణి (సిఆర్‌ కళాశాల గణపవరం) కె విద్యాసాగర్‌ (జెడ్పీ హెచ్‌ఎస్, పసుమర్రు), ఐ మణికంఠ (వేద, చిలకలూరిపేట), ఎం సిసింద్రీ (జెడ్పిహెచ్‌ఎస్, మురికిపూడి) పి గోపీపూర్ణచందు (జెడ్పిహెచ్‌ఎస్, బొప్పూడి) అదనంగా కె కిరీటి (భాష్యం, గుంటూరు) పవన్‌కళ్యాణ్‌ (నారాయణ, చిలకలూరిపేట) కె జాన్‌ (జెడ్పీహెచ్‌ఎస్, పసుమర్తి) ఎస్‌కే జానీ (మోడరన్, చిలకలూరిపేట)
 బాలికల విభాగంలో ఎంపికైన వారి వివరాలు.... ఎస్‌ సువర్ణ (సెయింట్‌ ఛార్లెస్, చిలకలూరిపేట) కె రేణుక (ఏఎంజీ, చిలకలూరిపేట), ఎస్‌కే మునీరా, ఎస్‌కే ఆసిఫా, ఎస్‌కే ఆరిఫా (జెడ్పిహెచ్‌ఎస్, పసుమర్తి), బి శిల్ప (జెడ్పీహెచ్‌ఎస్‌; బొప్పూడి) పి శిరీష, పి భార్గవి, ఎన్‌ కవిత, అనూష (వేద,  చిలకలూరిపేట), అలేఖ్య, పావని (మోడరన్, చిలకలూరిపేట), అదనంగా కె జ్యోతి, సిహెచ్‌ జయరాణి, భవానిలను ఎంపికచేశారు.