దుబాయ్: కెరీర్‌లో తొలిటెస్టు ఆడుతున్న యువ ఆటగాడి స్పిన్‌ మాయజాలానికి ఆస్ట్రేలియా కుప్పకూలింది. పాకిస్తాన్‌తో జరుగుతున్న తొలి టెస్ట్‌లో ఒక దశలో ఆసీస్‌ భారీ స్కోరు చేస్తుందని అందరూ భావించారు. 142 పరుగులకు ఒక్క వికెట్ కూడా కోల్పోని ఆసీస్ తర్వాత 60 పరుగుల తేడాలో పది వికెట్లు కోల్పోయింది. తొలి టెస్ట్ ఆడుతున్న బిలాల్ ఆసిఫ్ స్పిన్‌ దెబ్బకు తొలి ఇన్నింగ్స్‌లో ఆసీస్‌ 202 పరుగులకే ఆలౌటైంది. బిలాల్ తన తొలి ఇన్నింగ్స్‌లోనే 6 వికెట్లు తీసుకున్నాడు. పేస్ బౌలర్ మహ్మద్ అబ్బాస్ నాలుగు వికెట్లతో రాణించాడు. పాక్ తరఫున తొలి టెస్ట్‌లోనే మూడో అత్యుత్తమ ప్రదర్శన కనబరచిన బౌలర్‌గా బిలాల్ నిలిచాడు. ఆసీస్ ఓపెనర్లు ఖవాజా (85), ఫించ్ (62) మాత్రమే రాణించారు. ఆ తర్వాత వచ్చిన ఒక్క బ్యాట్స్‌మన్ కూడా క్రీజులో నిలదొక్కుకునే ప్రయత్నం చేయలేదు. తొలి ఇన్నింగ్స్‌లో హఫీజ్‌(126), హరిస్‌ సొహైల్‌ (110), అసద్‌ షఫీక్‌ (80) లు రాణించడంతో 482 పరుగుల భారీ స్కోరు చేసిన పాకిస్తాన్‌కు 280 పరుగుల ఆధిక్యం లభించింది. అయితే ఆస్ట్రేలియాను ఫాలోఆన్ ఆడించకుండా పాకిస్తాన్‌ రెండో ఇన్నింగ్స్ మొదలుపెట్టింది. What a collapse! Australia go from 142/0 to 202 all out thanks to 6/36 from debutant Bilal Asif and 4/29 from Mohammad Abbas. They trail by 280 runs, Pakistan do not enforce the follow-on.#PAKvAUS LIVE ➡️ https://t.co/sRNIJtvl02 pic.twitter.com/5cu4Q3ETXM — ICC (@ICC) October 9, 2018


 చివరి వన్డేలో జింబాబ్వేపై గెలుపు
  హరారే: కెరీర్ రెండో వన్డేలోనే ఆఫ్ స్పిన్నర్ బిలాల్ ఆసిఫ్ (5/25) అద్భుత ప్రదర్శనతో ఆకట్టుకున్నాడు. ఫలితంగా కీలకమైన మూడో వన్డేలో పాకిస్తాన్ 7 వికెట్ల తేడాతో జింబాబ్వే జట్టును చిత్తు చేసింది. ఫలితంగా మూడు వన్డేల సిరీస్‌ను 2-1తో దక్కించుకుంది. టాస్ ఓడి బ్యాటింగ్‌కు దిగిన జింబాబ్వే 38.5 ఓవర్లలో 161 పరుగులకు కుప్పకూలింది.
  
   ఓపెనర్లు ముటుంబమి (85 బంతుల్లో 67; 5 ఫోర్లు; 2 సిక్సర్లు), చిబాబ (76 బంతుల్లో 48; 5 ఫోర్లు) తొలి వికెట్‌కు 89 పరుగులతో శుభారంభాన్నిచ్చినా మిడిలార్డర్‌ను ఆసిఫ్ దెబ్బతీయడంతో ఇబ్బందుల్లో పడింది. ఇమాద్ వాసింకు మూడు వికెట్లు పడ్డాయి. అనంతరం బ్యాటింగ్‌కు దిగిన పాక్ 34 ఓవర్లలో మూడు వికెట్లకు 162 పరుగులు చేసి గెలిచింది. బ్యాట్‌తోనూ రాణించిన ఆసిఫ్ (39 బంతుల్లో 38; 6 ఫోర్లు; 1 సిక్స్), అసద్ షఫీఖ్ (60 బంతుల్లో 38; 2 ఫోర్లు) టాప్ స్కోరర్లు కాగా... మ్యాన్ ఆఫ్ ద సిరీస్ షోయబ్ (28 బంతుల్లో 34; 5 ఫోర్లు; 1 సిక్స్) వేగంగా ఆడాడు.