కడప సెవెన్రోడ్స్:
జిల్లాను కరవు వెంటాడుతోంది. వర్షాధార పంటలన్నీ నిలువునా ఎండిపోయాయి. తాగునీటి ఎద్దడి, పశుగ్రాసం కొరత వేధిస్తోంది. జిల్లాలోని 49 మండలాలను కరువు కింద ప్రకటించి సహాయక చర్యలు చేపట్టాలని జిల్లా యంత్రాంగం ఇప్పటికే ప్రతిపాదనలు పంపింది. అయితే ప్రభుత్వం నుంచి ఇంతవరకు ఎలాంటి స్పందన లేదు. తుఫాన్ల విషయంలో ప్రదర్శించే చొరవ కరవు సహాయక చర్యల్లో చూపడం లేదనే విమర్శలు వ్యక్తమవుతున్నాయి.
ఈ ఏడాది ఖరీఫ్లో తీవ్ర వర్షాభావ పరిస్థితులు చోటు చేసుకున్నాయి. సాధారణ పంటల సాగు 1.79లక్షల హెక్టార్లు కాగా కేవలం 31,334 హెక్టార్లలోనే సాగయ్యాయి. జూన్, జులై, ఆగస్టు నెలల్లో వర్షపాతం సాధారణం కంటే తక్కువ నమోదైంది. దీంతో ప్రధాన పంట వేరుశనగ దాదాపుగా తుడిచిపెట్టుకపోయింది. అలాగే పత్తి, జొన్న, కంది, సజ్జ లాంటి వర్షాధార పంటలు కూడా బాగా దెబ్బతిన్నాయి. రైల్వేకోడూరు, ఓబులవారిపల్లె మినహా మిగిలిన 49 మండలాలను కరవు కింద ప్రకటించాలంటూ కలెక్టర్ కేవీ రమణ ప్రభుత్వానికి ప్రతిపాదించారు.
కరవు మండలాల ప్రకటనకు ప్రామాణికాలు ఇవీ.. :
వార్షిక సాధారణ వర్షపాతం 1000 మి.మీ.పైన ఉండే మండలాల్లో 25 శాతం, 750 నుంచి 999.9 మి.మీ. ఉన్న మండలాల్లో 20శాతం, 749.9 మి.మీ. నుంచి తక్కువ ఉన్న మండలాల్లో 15 శాతం వర్షపాత లోటు నమోదు కావాలి.
పంటల సాగు విస్తీర్ణం 50 శాతంలోపు ఉండాలి.
పంటల దిగుబడి 50 శాతం కంటే తక్కువకు పడిపోవడం, అధిక దిగుబడులనిచ్చే రకాల పంటలైతే 40 శాతానికి పడిపోవడం.
వరుసగా 21 రోజులపాటు వర్షపాతం నమోదు కాకపోవడం (డ్రై స్పెల్స్)
వీటిలో వర్షపాత లోటు తప్పనిసరిగా నమోదైవుండాలి. మిగిలిన మూడు ప్రామాణికాల్లో రెండిటి ప్రభావం ఉండాలి. ఈ విధంగా పరిశీలిస్తే 50 మండలాల్లో వర్షపాత లోటు, 49 మండలాల్లో సాగు విస్తీర్ణం పడిపోవడం, 43 మండలాల్లో దిగుబడి తగ్గిపోవడం, 46 మండలాలు డ్రై స్పెల్స్కు గురయ్యాయి. వీటిని పరిగణలోకి తీసుకుని 49 మండలాలకు ప్రతిపాదనలు పంపారు.
వేధిస్తున్న పశుగ్రాసం కొరత :
జిల్లాలోని పశుసంపదకు 7.71లక్షల మెట్రిక్ టన్నుల గ్రాసం అవసరం కాగా 7.38 లక్షల మెట్రిక్ టన్నులు అందుబాటులో ఉన్నట్లు పశు సంవర్థక శాఖ అధికారులు అంచనా వేస్తున్నారు. 0.33 లక్షల మెట్రిక్ టన్నుల గ్రాసం అవసరం ఉంది. భూమి లేని నిరుపేదలు పాడి పరిశ్రమపై ఆధారపడి జీవిస్తున్నారు. దుర్భిక్ష పరిస్థితులు మరికొంతకాలం కొనసాగితే తీవ్ర ఇబ్బందులపాలు కావాల్సివస్తోంది. ఈ పరిస్థితుల్లో జిల్లాకు ఎండుగడ్డిని సరఫరా చేయాల్సి ఉంటుందని కలెక్టర్ కోరారు.
పాడి పరిశ్రమపై ఆధారపడి జీవిస్తున్న పేదలకు 50 శాతం సబ్సిడీతో ఎండుగడ్డి సరఫరా చేయాలని ఆయన కోరారు. జిల్లాలోని 10వేల మంది రైతులకు అవసరమైన 5వేల మెట్రిక్ టన్నుల ఎండుగడ్డిని సరఫరా చేసేందుకు రూ. 2కోట్లు మంజూరు చేయాలని కోరారు. అలాగే పంటలు సాగుచేసి నష్టపోయిన రైతాంగానికి ఇన్పుట్ సబ్సిడీ ఇవ్వాలని ప్రతిపాదించారు.
తాగునీటికి కటకట
వర్షాలు లేకపోవడంతో జిల్లాలోని పలు మండలాల్లో భూగర్భ జలాలు ప్రమాదకర స్థాయికి చేరుకున్నాయి. పలుచోట్ల తాగునీటి వనరులు ఎండిపోవడం వల్ల ప్రజలతోపాటు పశువులు నీటి ఎద్దడితో అల్లాడుతున్నాయి. రాయచోటి, రాజంపేట, రైల్వేకోడూరు, కమలాపురం, పులివెందుల, జమ్మలమడుగు నియోజకవర్గాల్లోని 24 మండలాల్లో తీవ్ర నీటి ఎద్దడి నెలకొందని అధికారుల గణాంకాలు తెలియజేస్తున్నాయి.
మరికొంతకాలం ఇవే పరిస్థితులు కొనసాగితే తాగునీటి కోసం ఊర్లు వదిలి వెళ్లాల్సివస్తోందని ప్రజలు ఆందోళన వ్యక్తం చేస్తున్నారు. ప్రతిరోజూ జిల్లాలో ఏదో ఒక మంత్రి పర్యటిస్తూనే ఉన్నప్పటికి కరవు సహాయక చర్యలు చేపట్టే విషయాన్ని ప్రభుత్వ దృష్టికి తీసుకెళ్లడంలేదనే విమర్శలు వ్యక్తమవుతున్నాయి.
కాటేస్తున్న కరవు
Published Sun, Oct 19 2014 2:45 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
తప్పక చదవండి
- బీజేడీ కంచుకోటను బద్దలు కొట్టేలా.. బీజేపీ ఎన్నికల ప్రచారం
- క్యాస్టింగ్ కౌచ్పై రమ్యకృష్ణ కామెంట్స్.. కొన్నిసార్లు తప్పదంటూ!
- ‘ప్రజ్వల్ రేవణ్ణ’ వీడియోల వెనుక కుట్ర: హెచ్డి కుమారస్వామి
- 25 వేల మంది టీచర్ల నియామకం రద్దుపై సుప్రీం స్టే
- యువీ, ధావన్ కాదు!.. నాకిష్టమైన ప్లేయర్లు వాళ్లే!
- ‘నేను దేశాన్ని విడిచి వెళ్లాలా?’.. బెంగళూరుపై ఆంత్రప్రెన్యూర్ అసహనం
- అమోథీ.. రాహుల్, ప్రియాంకల సంపద
- అదిరిపోయిన అందాలు.. తృప్తి అలా ఆయేషా ఇలా!
- ఓటుకు నోటు..అజిత్ పవార్ వర్గంపై నాన్ కాగ్నిజబుల్ కేసు నమోదు
- T20 WC: బుమ్రాకు విశ్రాంతి?.. పొలార్డ్ కీలక వ్యాఖ్యలు
Advertisement