పాప్ స్టార్ మడోనా ఆగ్రహావేశాలతో ఊగిపోతున్నారు. దానికి కారణం ఎప్పుడో ఆమె దిగిన నగ్నచిత్రాలు, ఇతర చిత్రాలు ఇప్పుడు బయటికి రావడమే. ఎవరు తస్కరించారో కానీ.. వాటి ద్వారా సొమ్ము చేసుకుంటున్నారు. ఇప్పుడు అంతర్జాలంలో ఎక్కడ చూసినా ఆ ఫొటోలే. మామూలుగానే మడోనా ఫొటోలంటే చాలా క్రేజ్ ఉంటుంది. ఇక, నగ్న చిత్రాలకు డిమాండ్ గురించి ప్రత్యేకంగా చెప్పక్కర్లేదు.
  
   ఈ ఫొటోలు బయటికి రావడం పట్ల మడోనా ఆగ్రహం వ్యక్తం చేస్తూ -‘‘ఈ పని ఎవరు చేశారో అర్థం కావడం లేదు. నా అభిమానులు కాదనుకుంటున్నా. ఫొటోలు తస్కరించడమే నీచమైన పని అంటే వాటిని అమ్మడం ఇంకా నీచమైన పని. వాటిని కొన్నవాళ్లు కూడా నీచులతోనే సమానం. నా అభిమానులు నిజాయతీపరులైతే, నా మీద ప్రేమభిమానాలుంటే ఆ ఫొటోలు కొనొద్దు’’ అన్నారు. ఫొటోలు తస్కరించినవారి ఆచూకీ తెలుసుకుంటాననీ, నేరానికి ఎలాంటి శిక్ష అనుభవిస్తారో అప్పుడు తెలుస్తుందనీ మడోనా హెచ్చరించారు.