శ్రీకాకుళం : శ్రీకాకుళంలో ఆదివారం ఉదయం స్వల్ప భూప్రకంపనలు చోటుచేసుకున్నాయి. స్థానిక కృష్ణా పార్క్‌ ప్రాంతంలో 4 సెకన్ల పాటు భూమి కంపించింది. దీంతో ఏం జరుగుతుందో తెలియని ప్రజలు భయాందోళనలతో ఇళ్లలో నుంచి బయటకు పరుగులు తీశారు. భూప్రకంపనలపై అధికారులు ఆరా తీస్తున్నారు.


 శ్రీకాకుళం: శ్రీకాకుళం జిల్లాలో కొన్ని ప్రాంతాల్లో స్వల్ప భూప్రకంపనలు చోటుచేసుకున్నాయి. జిల్లాలోని ఎచ్చెర్ల, పొందురు మండలాల్లో ఆదివారం రాత్రి కొన్ని సెకన్లపాటు స్వల్పంగా భూమి కంపించిందని స్థానికులు చెబుతున్నారు. భూమి కంపించడంతో ఆ రెండు మండలాల ప్రజలు భయంతో ఇళ్లనుంచి బయటకు పరుగులు తీశారు. ఎలాంటి ప్రాణనష్టం జరగలేదని తెలుస్తోంది.
 
 హైదరాబాద్ లోని బోరబండలో కొన్ని సెకన్లపాటు భూమి స్వల్పంగా కంపించినట్లు వదంతులొచ్చాయి. దేవయ్య బస్తీ, అంబేద్కర్ నగర్, భవానీ శంకర్ నగర్ లో ఆదివారం రాత్రి ఆ ప్రాంతాల ప్రజలు భయాందోళనతో ఇళ్ల నుంచి భయటకు పరుగులు తీశారు. అయితే ఆ ప్రాంతాల్లో పేలుడు సంభవించిందా? లేక స్వల్ప భూప్రకంపనలు వచ్చాయా అనే విషయం తెలియాల్సి ఉంది.