ఇడ్లీ, దోశ, చపాతీలోకి.. క్యాప్సికం చట్నీ బాగుంటుంది
కావలసినవి: ఎర్రక్యాప్సికం – పెద్దది ఒకటి
ఉల్లిపాయ – సగం
వెల్లుల్లి రెబ్బలు – రెండు
కరివేపాకు – రెండు రెమ్మలు
ఎండుమిర్చి – ఐదు
చింతపండు –గోళికాయంత
పల్లీలు – పావు కప్పు
బెల్లం తురుము – అటీస్పూను
నూనె – రెండు టీస్పూన్లు
ఉప్పు – రుచికి సరిపడా
తాలింపు కోసం: నూనె – అరటీస్పూను
ఆవాలు – అరటీస్పూను
ఇంగువ – చిటికెడు
కరివేపాకు – ఒక రెమ్మ
తయారీ: ∙ముందుగా స్టవ్ మీద బాణలిపెట్టి రెండు టీస్పూన్ల నూనె వేసి కాగనివ్వాలి.
కాగిన నూనెలో వెల్లుల్లి, ఎండు మిర్చి, కరివేపాకు, తరిగిన ఉల్లిపాయను వేసి రెండు నిమిషాలు వేయించాలి
ఇప్పుడు క్యాప్సికంను ముక్కలుగా తరిగి వేసి మగ్గాక స్టవ్ ఆపేసేయాలి ∙
మరో బాణలిలో పల్లీలు వేసి చక్కగా వేయించి పెట్టుకోవాలి
ఇప్పుడు వేయించి పెట్టుకున్న క్యాప్సికం, ఉల్లిపాయ మిశ్రమం, పల్లీలు, చింతపండు, బెల్లం, రుచికి ఉప్పును మిక్సీజార్లో వేసుకుని మెత్తగా రుబ్బుకోవాలి. అవసరాన్ని బట్టి కొద్దిగా వేడి నీళ్లు పోసుకోవాలి ∙
తాలింపు పెట్టుకుని రబ్బుకున్న పచ్చడిలో కలిపితే క్యాప్సికం చట్నీ రెడీ.
ఇది ఇడ్లీ, దోశ, చపాతీలోకేగాక ఇతర స్నాక్స్, అన్నంలోకి కూడా చాలా బావుంటుంది