కోర్టులో స్పీకర్‌ కోడెలకు చుక్కెదురు

ఏపీ అసెంబ్లీ స్పీకర్‌ కోడెల శివ ప్రసాద్‌ రావుకు కరీంనగర్‌ ప్రత్యేక మెజిస్ట్రేట్‌ కోర్టులో చుక్కెదురైంది. ఎన్నికల నిబంధనల ఉల్లంఘన కేసులో ఈ నెల 10న కోర్టుకు నేరుగా హాజరు కావాలని ఆదేశాలు జారీ చేసింది. 2014 ఎన్నికల్లో రూ.11.50 కోట్లు ఖర్చు పెట్టానని తానే స్వయంగా టీవీ ఇంటర్వ్యూలో చెప్పిన అంశాన్ని సింగిరెడ్డి భాస్కర్‌ రెడ్డి అనే వ్యక్తి కోర్టు దృష్టికి తీసుకువచ్చారు. ఈ కేసుకు సంబంధించిన ఆధారాలను పిటిషనర్‌ కోర్టుకు సమర్పించారు.