● సేవలకు విఘాతం..

● సేవలకు విఘాతం..

అంగన్‌వాడీ కేంద్రాల ద్వారా ఆరేళ్లలోపు పిల్లలు, గర్భిణులు, బాలింతలకు అనేక రకాల సేవలు అందుతున్నాయి. ఈ క్రమంలో అంగన్‌వాడీ కేంద్రాలను ప్రాథమిక పాఠశాలల్లో విలీనం చేస్తే సేవలన్నీ నిలిచిపోతాయి. ముఖ్యంగా పౌష్టికాహార పంపిణీ, ప్రీ స్కూలు విద్య, ఆరోగ్య విద్య, రెఫరల్‌ సేవలు ఇప్పటివరకు అంగన్వాడీ కేంద్రాల ద్వారా అందుతున్నాయి. అయితే వీటిని విలీనం చేస్తే ఆయా సేవలను అందే పరిస్థితి ఉండదు. ప్రాథమిక పాఠశాలలో కలిపి వేయడం ద్వారా క్షేత్రస్థాయిలో సెంటర్లు తగ్గిపోతాయి. దీని ద్వారా ఉపాధి, ఉద్యోగాలు సైతం కుదింపు జరుగుతుంది. అంగన్‌వాడీ కేంద్రాల్లో వర్కర్లు, హెల్పర్లను సైతం కుదించే అవకాశం ఉంటుందన్న ఆందోళన వారిలో వ్యక్తమవుతోంది. ఇప్పటికే మెయిన్‌ కేంద్రాల్లో ఒక వర్కర్‌, ఒక హెల్పర్‌ ఉంటే, మినీ సెంటర్లలో ఒక్కరే ఉంటారు. సీకే దిన్నె మండలాన్ని పైలెట్‌ ప్రాజెక్టుగా ఎంచుకున్న నేపథ్యంలో సర్వే కొనసాగుతోంది.