సుబ్బారాయుడికి వసంతోత్సవం | - | Sakshi
Sakshi News home page

సుబ్బారాయుడికి వసంతోత్సవం

Nov 29 2025 8:05 AM | Updated on Nov 29 2025 8:05 AM

సుబ్బ

సుబ్బారాయుడికి వసంతోత్సవం

సుబ్బారాయుడికి వసంతోత్సవం శ్రీవారి ఆలయంలో డాగ్‌, బాంబ్‌ స్క్వాడ్‌ తనిఖీలు

ద్వారకాతిరుమల: శ్రీవారి క్షేత్రంలో సుబ్రహ్మణ్యేశ్వరునికి వసంతోత్సవ వేడుక శుక్రవారం కన్నులపండువగా జరిగింది. ముందుగా ఆలయంలో వల్లీ, దేవసేన సమేత స్వామివారి ఉత్సవ మూర్తులను తొళక్క వాహనంపై ఉంచి ప్రత్యేక పుష్పాలంకారాలు చేశారు. అనంతరం పూజాధికాలను జరిపి, హారతులిచ్చారు. ఆ తరువాత మేళతాళాలు, మంగళ వాయిద్యాలు, వేద మంత్రోచ్ఛరణల నడుమ అర్చకులు, పండితులు స్వామి, అమ్మవార్లకు వసంతాలను సమర్పించారు. అనంతరం నిర్వహించిన గ్రామోత్సవంలో అర్చకులు భక్తులపై వసంతాలను చల్లారు. అంతక ముందు ఆలయంలో మహా పూర్ణాహుతి వేడుకను వేద ఘోషల నడుమ అట్టహాసంగా నిర్వహించారు. వేడుకల్లో ఆలయ సూపరింటెండెంట్‌ దుర్గాప్రసాద్‌ దంపతులు పాల్గొన్నారు.

ద్వారకాతిరుమల: ప్రముఖ పుణ్యక్షేత్రమైన ద్వారకాతిరుమల చినవెంకన్న ఆలయంలో శుక్రవారం డాగ్‌, బాంబ్‌ స్క్వాడ్‌ తనిఖీలు నిర్వహించారు. ఆలయ భద్రతలో భాగంగా ఈ తనిఖీలు జరిపినట్టు అధికారులు తెలిపారు. ముందుగా ఆలయ తూర్పు ప్రాంతంలోని షాపింగ్‌ కాంప్లెక్స్‌ల వద్ద ఉన్న అట్ట పెట్టెలను పరిశీలించారు. అనంతరం డస్ట్‌ బిన్‌లు, పరిసర ప్రాంతాలను తనిఖీ చేశారు. ఈ సందర్భంగా దుకాణదారులకు పలు సూచనలు, సలహాలనిచ్చారు. అట్టపెట్టెలు, మూటలు వంటి వాటిని ఎక్కడబడితే అక్కడ పెట్టవద్దని హెచ్చరించారు. ఆ తరువాత క్లోక్‌ రూమ్‌లో భక్తులు భద్రపరచుకున్న బ్యాగ్‌లు, ఇతర వస్తువులను పరిశీలించారు. అనంతరం ఆలయంలోని మూల మండపాలు, ధ్వజస్తంభం, ఆలయ తూర్పురాజగోపుర ప్రాంతాలను, భక్తుల రద్దీ అధికంగా ఉండే ప్రదేశాలను క్షుణ్ణంగా తనిఖీ చేశారు. ఇందులో డాగ్‌ వీర, బాంబ్‌, డాగ్‌ స్క్వాడ్‌ సిబ్బంది పాల్గొన్నారు.

సుబ్బారాయుడికి వసంతోత్సవం 1
1/1

సుబ్బారాయుడికి వసంతోత్సవం

Advertisement

Related News By Category

Related News By Tags

Advertisement
 
Advertisement
Advertisement