కాంగ్రెస్‌లో బీఆర్‌ఎస్‌ నాయకుల చేరిక

వర్ధన్నపేట: మండలంలోని ల్యాబర్తి గ్రామానికి చెందిన బీఆర్‌ఎస్‌ నాయకులు పొల్లులేటి సంధ్య, వెంకన్నతోపాటు 50 మంది కార్యకర్తలు వర్ధన్నపేట ఎమ్మెల్యే కేఆర్‌ నాగరాజు సమక్షంలో శుక్రవారం కాంగ్రెస్‌లో చేరారు. హనుమకొండలోని ఎమ్మెల్యే క్యాంపు కార్యాలయంలో జరిగిన కార్యక్రమంలో ఎమ్మెల్యే నాగరాజు వారికి కండువాలు కప్పి పార్టీలోకి ఆహ్వానించారు. ఈ సందర్భంగా ఆయన మాట్లాడుతూ రాబోయే సర్పంచ్‌ ఎన్నికల్లో కాంగ్రెస్‌ పార్టీ బలపరిచిన అభ్యర్థులను భారీ మెజారిటీతో గెలిపించాలని కోరారు. అదేవిధంగా మండలంలోని చెన్నారం గ్రామానికి చెందిన వికలాంగుల ఫోరం రాష్ట్ర అధ్యక్షుడు జన్ను రాజు గురువారం రాత్రి ఎమ్మెల్యే కేఆర్‌ నాగరాజు క్యాంపు కార్యాలయంలో కాంగ్రెస్‌లో చేరారు. రాజు పార్టీలోకి రావడం సంతోషమని, ఆయనకు మంచి రాజకీయ భవిష్యత్‌ ఉంటుందని ఎమ్మెల్యే పేర్కొన్నారు.