TV
సకాలంలో సిలబస్‌ పూర్తి చేయాలి
● డీఐఈఓ డాక్టర్‌ శ్రీధర్‌ సుమన్‌
కాళోజీ సెంటర్‌: ఇంటర్మీడియట్‌ ద్వితీయ సంవత్సరం రెగ్యులర్‌ విద్యార్థులకు సకాలంలో ప్రయోగ సిలబస్‌ పూర్తి చేయాలని ఇంటర్మీడియట్‌ విద్యాశాఖ జిల్లా అధికారి (డీఐఈఓ) డాక్టర్‌ శ్రీధర్‌ సుమన్‌ ఆదేశించారు. నగరంలోని పలు కళాశాలల్లో నిర్వహించే ప్రయోగ శాల తీరుతెన్నులను శుక్రవారం పరిశీలించారు. అన్ని కళాశాలల్లో బాటనీ, జువాలజీ, ఫిజిక్స్‌, కెమిస్ట్రీ, ఒకేషనల్‌ ప్రయోగశాలలను తనిఖీ చేశారు. ఈసందర్భంగా ఆయన మాట్లాడుతూ ప్రైవేట్‌ జూనియర్‌ కళాశాలల్లోని అన్ని ప్రయోగశాలల్లో సీసీ కెమెరాలు తప్పనిసరి అని, వాటిని ఇంటర్‌ బోర్డుకు ఇంటిగ్రేట్‌ చేసుకోవాలని సూచించారు. జిల్లాలోని అన్ని కళాశాలలు బోర్డు నిబంధనల మేరకు ప్రయోగాలు, పరీక్షలు నిర్వహించాలని సూచించారు. ఇంటర్‌ పరీక్షలకు విద్యార్థులను సిద్ధం చేయడానికి అంతర్గత పరీక్షలు, నిరంతర ప్రణాళికతో సిద్ధంగా ఉండాలని సూచించారు. ఈ తనిఖీలో కళాశాలల ప్రిన్సిపాళ్లు, అధ్యాపకులు, కార్యాలయ సిబ్బంది ఉన్నారు.
