శనివారం శ్రీ 29 శ్రీ నవంబర్ శ్రీ 2025
న్యూస్రీల్
అంబరాన్నంటిన నిట్ 23వ కాన్వొకేషన్ సంబురం
కాజీపేట అర్బన్: నిట్ 23వ స్నాతకోత్సవం క్యాంపస్లోని అంబేడ్కర్ లెర్నింగ్ సెంటర్ ఆడిటోరియంలో శుక్రవారం అంగరంగ వైభంగా నిర్వహించారు. ఇక్కడ విద్యనభ్యసించిన 1,913 మంది విద్యార్థులు పట్టాలందుకున్నారు. విద్యార్థులు తమ కుటుంబ సభ్యులతో పాటు తోటి విద్యార్థులతో ఆనందంగా గడిపారు. ఉదయం 10:30 గంటలకు జనగణమన జాతీ య గీతాలపానతో కాన్వొకేషన్ మహోత్సవాన్ని అట్టహా సంగా ప్రారంభించారు. విద్యార్థులతో ప్రతిజ్ఞ చేయించిన అనంతరం ముఖ్య అతిథిగా హాజరై మైక్రాన్ ఇండియా మేనేజింగ్ డైరెక్టర్ ఆనందరామమూర్తి 1913 మంది పట్టభద్రులకు డిగ్రీ పట్టాలు అందజేశారు. విద్యార్థులు తెల్లటి కుర్తా, పైజామా బాయ్స్, పంజాబీ డ్రెస్లో అమ్మాయిలు, బ్లాక్ షూస్తో పాటు మెడలో కాషాయ కండువాతో హాజరై పట్టాలందుకున్నా రు. కార్యక్రమంలో నిట్ డైరెక్టర్ బిద్యాధర్ సుబుదీ, నిట్ అధ్యాపకులు తదితరులు పాల్గొన్నారు.
తొలిసారిగా డీఆర్డీఓ సైంటిస్ట్కు..
నిట్ వరంగల్ 23 కాన్వొకేషన్ మహోత్సవంలో తొలిసారిగా గౌరవ డాక్టరేట్ డాక్టర్ ఆఫ్ సైన్స్ను ఆర్మీ దళానికి ఇండీజీనస్ సిస్టమ్ అండ్ టెక్నాలజీస్ ఆవిష్కరణలో అరుదైన ప్రాత పోషించిన డీఆర్డీఓ సైంటిస్ట్ డాక్టర్ సమీర్. వి.కామత్కు అందించారు. గౌరవ డాక్టర్ ఆఫ్ ఫిలాసఫీని హిటాచీ ఎనర్జీ ఎండీ ఎన్.వేణుకు అందజేశారు. తొలిసారిగా ఓవరాల్ టాపర్లకు మూడు డైరెక్టర్స్ గోల్డ్ మెడల్స్ పేరిట బీటెక్ సీఎస్ఈ విభాగంలో టాపర్ పాలచర్ల శ్రీ సత్యనవీన్కు, ఎంటెక్ పవర్ సిస్టమ్స్ విభాగంలో కొండ శౌష్యకు, పీజీ ఎంఎస్సీ టాపర్ రోహన్గుప్తాకు అందజేశారు.
ఆవిష్కరణలకు వేదికగా నిలవాలి..
నూతన ఆవిష్కరణలకు ఏఐ టెక్నాలజీ వేదికగా నిలవాలి. నిట్ వరంగల్ విద్యార్థులు సమాజంలో ఆదర్శంగా ఉండాలి. ప్రతి ఒక్కరూ ‘త్రీఎఫ్–ఫెయిర్, ఫీయర్లెస్, ఫన్’ అనే సూత్రాలను నిజ జీవితంలోకి అన్వయించుకుని ముందుకు సాగాలి. సామాన్యులకు అందుబాటులో ఉండే సేవలను అందించడంలో నిట్ పట్టభద్రులు కృషి చేయాలి.
– ఆనంద్ రామమూర్తి, మైక్రాన్ ఇండియా ఎండీ
విజన్–2047 దిశగా నిట్
నిట్ వరంగల్ విజన్–2047 దిశగా ముందుకు సాగుతుంది. 2025–26 విద్యా సంవత్సరంలో నిట్ రికార్డు స్థాయిలో క్యాంపస్ ప్లేస్మెంట్స్ రూ.45.65 కోట్లు, 118 రీసెర్చ్ ప్రాజెక్ట్లు, 51 నూతన పేటెంట్లు, సీఐఐఈ ద్వారా స్టార్టప్లతో నిట్ కీర్తి కిరిటాన్ని ఎగురవేస్తుంది. నూతన హాస్టళ్లు, అకడమిక్ బ్లాకులు, విద్యార్థుల సంఖ్యను పెంచుకుంటూ మెరుగైన మౌలిక సదుపాయలు కల్పించడమే లక్ష్యంగా ముందుకు సాగుతున్నాం. 1913 మంది విద్యార్ధులు 23వ కాన్వొకేషన్లో పట్టాలు అందుకోవడం ఆనందంగా ఉంది.
– బిద్యాధర్ సుబుదీ, నిట్ డైరెక్టర్
పట్టాలందుకున్న 1,913 మంది
విద్యార్థులు
గౌరవ డాక్టర్ ఆఫ్ సైన్స్
వి.కామత్కు ప్రదానం
గౌరవ డాక్టర్ ఆఫ్ ఫిలాసఫీ
ఎన్.వేణుకు..
డైరెక్టర్స్, రోల్ ఆఫ్ హానర్
గోల్డ్ మెడల్స్ అందజేత
ఏఐ ఆవిష్కరణల వేదికగా నిలవాలి: మైక్రాన్ ఇండియా ఎండీ
ఆనంద్ రామమూర్తి
పట్టాలందుకున్న విద్యార్థులు ఇలా..
బీటెక్ : 953
ఎంటెక్ : 556
ఎంఎస్సీ : 149
ఎంబీఏ : 38
ఎంసీఏ : 56
పీహెచ్డీ : 142
బీఎస్సీ, పీజీ డిప్లొమా : 19
శనివారం శ్రీ 29 శ్రీ నవంబర్ శ్రీ 2025
శనివారం శ్రీ 29 శ్రీ నవంబర్ శ్రీ 2025
శనివారం శ్రీ 29 శ్రీ నవంబర్ శ్రీ 2025
శనివారం శ్రీ 29 శ్రీ నవంబర్ శ్రీ 2025
శనివారం శ్రీ 29 శ్రీ నవంబర్ శ్రీ 2025


