TV
విద్యార్థుల కళార్చన
వరంగల్‌లోని విద్యారణ్య ప్రభుత్వ సంగీత నృత్య కళాశాలలో శుక్రవారం సాయంత్రం జరిగిన సాంస్కృతికోత్స వంలో సంగీత, నృత్య కోర్సు విద్యార్థులు తమ ప్రదర్శనలతో ఆకట్టుకున్నారు.
– హన్మకొండ కల్చరల్‌
హన్మకొండ: సాంకేతిక రంగంలో వస్తున్న మార్పులను అందిపుచ్చుకుంటూ ముందుకు సాగాలని హనుమకొండ అదనపు కలెక్టర్‌, జిల్లా విద్యాశాఖ అధికారి వెంకట్‌రెడ్డి విద్యార్థులకు సూచించారు. శుక్రవారం జన విజ్ఞాన వేదిక ఆధ్వర్యంలో హనుమకొండలోని సెయింట్‌ పీటర్స్‌ సెంట్రల్‌ పబ్లిక్‌ స్కూల్‌లో జరిగిన జిల్లా స్థాయి చెకుముకి సైన్స్‌ సంబరాల్లో ఆయన మాట్లాడుతూ.. విద్యార్థులు పరిశోధనల వైపు దృష్టి సారించాలన్నారు. ‘శాస్త్రవేత్తలతో ముఖాముఖి’లో భాగంగా నిట్‌ ప్రొఫెసర్లు ఆంజనేయులు, రామారావు, కృష్ణానంద్‌, లక్ష్మారెడ్డి, కేశవరావు.. శాస్త్ర సాంకేతిక రంగాలు మెరుగైన జీవనానికి ఎలా ఉపయోగపడుతున్నాయో తెలుపుతూ విద్యార్థుల, ఉపాధ్యాయుల సందేహాలు నివృత్తి చేశారు. అనంతరం నిర్వహించిన క్విజ్‌ పోటీల్లో పలువురు రాష్ట్రస్థాయి సంబురాలకు ఎంపికయ్యారు. జిల్లా స్థాయిలో ప్రతిభ కనబర్చిన వారికి ఏసీపీ కె.విజయకుమార్‌ చేతుల మీదుగా బహుమతి ప్రదానం చేశారు. కార్యక్రమంలో లయన్స్‌ క్లబ్‌ జిల్లా గవర్నర్‌ లయన్‌ డాక్టర్‌ చంద్రశేఖర్‌ ఆర్య, గోపు మథ్యాస్‌ రెడ్డి, గోపు సునీతరెడ్డి, జనవిజ్ఞాన వేదిక బాధ్యులు కాజీపేట పురుషోత్తం, రామంచ భిక్షపతి, పరికిపండ్ల వేణు, శ్రవణ్‌ కుమార్‌, ఉమామహేశ్వరరావు పాల్గొన్నారు.
ఇన్‌చార్జ్‌ డీఈఓ వెంకట్‌రెడ్డి
విద్యార్థుల కళార్చన
