కొత్త వైన్స్‌కు ‘పంచాయతీ’ కిక్కు

సాక్షి, వరంగల్‌: పంచాయతీ ఎన్నికలంటేనే గ్రామాల్లో కోలాహలం ఉంటుంది. కార్యకర్తల నుంచి బడా నాయకుల వరకు ఇంటింటా తిరుగుతూ రోజులపాటు ఓట్లను అభ్యర్థిస్తారు. ఈ క్రమంలోనే తమ వెంట వచ్చే అనుచరగణంతోపాటు ఓటర్లను ప్రసన్నం చేసుకునేందుకు నేతలు ఖర్చుకు ఎంతకై నా వెనుకాడరు. ముఖ్యంగా జిల్లాలోని వైన్స్‌ మాత్రం జాతరను తలపించేలా ఉంటాయి. డిసెంబర్‌లోనే మూడు దశల్లో జిల్లాలో ఎన్నికలు నిర్వహించనున్నారు. అక్టోబర్‌ 27న 57 మద్యం షాపుల లక్కీ డ్రా నిర్వహించారు. డిసెంబర్‌ ఒకటి నుంచి కొత్త మద్యం దుకాణాలు నిర్వహించనున్నారు. డిసెంబర్‌ 11, డిసెంబర్‌ 14, డిసెంబర్‌ 17న గ్రామ పంచాయతీ ఎన్నికలు జరగనుండడంతో మద్యం భారీగా అమ్ముడయ్యే అవకాశముంది. మళ్లీ డిసెంబర్‌ 31 రోజున కూడా మద్యం విక్రయాలు ఎక్కువగా ఉంటాయి. దీంతో కొత్తగా వైన్స్‌ లైసెన్స్‌ దక్కించుకున్నవారిలో ఆనందం కనిపిస్తోంది. మళ్లీ జనవరిలో సంక్రాంతి పండుగ కూడా రానుండడంతో మద్యం ఎక్కువగానే అమ్ముడయ్యే అవకాశముంది. ఇలా వ్యాపారం ప్రారంభంలోనే రూ.లక్షల్లో ఆదాయం రానుంది. దసరా పండుగకు మద్యం కొనుగోళ్ల కిక్‌ ఉన్నట్లుగానే.. అంతకుమించి ఇప్పుడు విక్రయాలు ఉంటాయని ఎకై ్స జ్‌ శాఖ కూడా భావిస్తోంది. ఈ ఏడాది దసరాకు రూ.51 కోట్ల ఆదా యం వచ్చిందని, ఎన్నికలకు రెట్టింపు ఆదాయం ఉండొచ్చని అధికారులు అంచనా వేస్తున్నారు. ఇలా మద్యం ద్వారా సర్కారుకు వచ్చే ఆదాయం భారీగా ఉండనుంది. ముఖ్యంగా ఎన్నికల ప్రచారానికి కూడా అన్ని విడతల్లో వారం రోజులు గడువు ఉండడం, ఇప్పటి నుంచి ఆయా స్థానాల్లో పోటీ చేయాలనుకుంటున్న అభ్యర్థులు అందరి మద్దతు కూడగడుతున్నారు. ఓవైపు ఓటర్లను ఆకర్షించడం, మరోవైపు తమ వెంట ఉండే అనుచరగణానికి మద్యాన్ని కూడా ఆఫర్‌ చేస్తుండడం గమనార్హం.

ప్రారంభంలోనే రూ.లక్షల్లో

ఆదాయానికి అవకాశం

డిసెంబర్‌లో మూడు విడతలుగా

జీపీలకు ఎన్నికలు

దసరాను మించి సర్కారు ఖజానాకు రానున్న రాబడి