TV
ఆస్పత్రుల్లో ఆడిట్‌ నిర్వహించాలి
డీఎంహెచ్‌ఓ అప్పయ్య
ఎంజీఎం: జిల్లాలో అబార్షన్లు ఎక్కువగా నమోదవుతున్న హాస్పిటళ్లలో ఆడిట్‌ నిర్వహించాలని, వారు నమోదు చేస్తున్న కారణాలు పరిశీలించాలని హనుమకొండ డీఎంహెచ్‌ఓ అప్పయ్య అధికారులకు సూచించారు. శుక్రవారం కలెక్టరేట్‌లోని డీఎంహెచ్‌ఓ కార్యాలయంలో మెడికల్‌ టర్మినేషన్‌ ఆఫ్‌ ప్రెగ్నెన్సీ (గర్భస్రావ నియంత్రణ చట్టం) కమిటీ సమావేశం నిర్వహించారు. ఈసందర్భంగా డీఎంహెచ్‌ఓ మాట్లాడుతూ.. అనుమతి పొందిన ఆస్పత్రులు తాము చేసే ప్రతీ అబార్షన్‌కు సంబంధించిన రికార్డులు నమోదు చేసి రిపోర్టులను ప్రతీనెల డీఎంహెచ్‌ఓ కార్యాలయానికి సమర్పించాలన్నారు. ఎవరైనా చట్టాన్ని ఉల్లంఘిస్తే కఠిన చర్యలు తప్పవని హెచ్చరించారు. సమావేశంలో ప్రభుత్వాస్పత్రి సూపరింటెండెంట్‌ విజయలక్ష్మి, కమిటీ సభ్యులు డాక్టర్‌ ఎల్‌.రాధిక, డాక్టర్‌ రాధిక, పిల్లల వైద్య నిపుణులు మహేశ్‌, డివిజనల్‌ పంచాయతీ అధికారి గంగాభవాని, ఎఫ్‌ఎంఎం స్వచ్ఛంద సంస్థ ప్రతినిధి శ్రీకాంత్‌, మాతా శిశు సంక్షేమం ప్రోగ్రాం అధికారి డాక్టర్‌ మంజుల, స్టాటిస్టికల్‌ అధికారి ప్రసన్నకుమార్‌, డెమో అశోక్‌ రెడ్డి పాల్గొన్నారు.
టీబీ వ్యాధిగ్రస్తులు పోషకాహారం తీసుకోవాలి
టీబీ వ్యాధిగ్రస్తులు మెరుగైన చికిత్సతోపాటు పోషకాహారం తీసుకోవాలని డీఎంహెచ్‌ఓ అప్పయ్య సూచించారు. శుక్రవారం కలెక్టరేట్‌లోని డీఎంహెచ్‌ఓ కార్యాలయంలో ఏర్పాటు కార్యక్రమంలో టీబీ పేషెంట్లకు ఆయన పోషకాహార కిట్లు అందజేశారు. అనంతరం మాట్లాడుతూ.. టీబీ ముక్త్‌ భార త్‌ అభియాన్‌లో భాగంగా కొన్ని ప్రైవేట్‌ ఆస్పత్రుల యాజమాన్యం, రెడ్‌ క్రాస్‌, మనూస్‌ స్వచ్ఛంద సంసలు ఈ పోషకాహార కిట్లు అందించినట్లు తెలి పారు. కార్యక్రమంలో డిప్యూటీ సివిల్‌ సర్జన్లు డాక్టర్‌ ప్రభుదాసు, డాక్టర్‌ ప్రదీప్‌రెడ్డి, అడ్మినిస్ట్రేటివ్‌ ఆఫీసర్‌ రాజేశ్‌, డెమో వి.అశోక్‌రెడ్డి, సదానందం, సూపరింటెండెంట్‌ వేణుగోపాల్‌ పాల్గొన్నారు.
