టీచర్గా మారిన కలెక్టర్
పర్వతగిరి: పర్వతగిరి మండల కేంద్రంలోని జిల్లా పరిషత్ పాఠశాలను కలెక్టర్ సత్యశారద గురువారం సందర్శించి కొద్దిసేపు టీచర్గా మారి విద్యార్థులకు పాఠాలు బోధించారు. ఈ సందర్భంగా పాఠ్యాంశాలను విద్యార్థులతో చదివించారు. వేమన, సుమతి, భాస్కర శతకాలను వల్లె వేయించారు. విద్యార్థులు తెలుగులోనే కాకుండా హిందీ, ఇంగ్లిష్ భాషల్లో మాట్లాడేలా చొరవ తీసుకోవాలని ఉపాధ్యాయులకు సూచించారు.
వివాదాలకు తావివొద్దు
దుగ్గొండి: స్థానిక సంస్థల ఎన్నికల్లో ఎలాంటి వివాదాలకు తావులేకుండా అధికారులు పారదర్శకంగా వ్యవహరించాలని జిల్లా ఉద్యానశాఖ అధికారి శ్రీనివాసరావు సూచించారు. మండల పరిషత్ కార్యాలయంలో రిటర్నింగ్ అధికారులు, అసిస్టెంట్ రిటర్నింగ్ అధికారులకు ఒకరోజు శిక్షణ శిబిరం గురువారం జరిగింది. ఈ సందర్భంగా ఆయన మాట్లాడుతూ సర్పంచ్, వార్డు సభ్యుల నామినేషన్లు తీసుకునే విధానం, పరిశీలన, అభ్యంతరాలపై వివరించారు. ప్రతి విషయాన్ని క్షుణ్ణంగా పరిశీలించాలని అన్నారు. తహసీల్దార్ రాజేశ్వర్రావు, ఎంపీడీఓ అరుంధతి, ఎంపీఓ శ్రీధర్గౌడ్, ఎంఈఓ వెంకటేశ్వ ర్లు, రిటర్నింగ్, అసిస్టెంట్ రిటర్నింగ్ అధికారులు, పంచాయతీ కార్యదర్శులు పాల్గొన్నారు.
రాష్ట్రస్థాయి సాఫ్ట్బాల్ పోటీలకు ఎంపిక
సంగెం: రాష్ట్రస్థాయి సాఫ్ట్బాల్ పోటీలకు సంగెం మండలం నుంచి ఇద్దరు విద్యార్థులు ఎంపికయ్యారు. మండలంలోని మొండ్రాయి జెడ్పీహెచ్ఎస్ 10వ తరగతి విద్యార్థులు ప్రణయ్వర్ధన్, వర్షిత్ కుమార్ ఎంపికైనట్లు పీడీ ముఖర్జీ తెలిపారు. ఆదిలాబాద్ జిల్లా ఇచ్చోడలో ఈనెల 28నుంచి 30వ తేదీ వరకు జరగనున్న 12వ రాష్ట్రస్థాయి సీనియర్స్ సాఫ్ట్బాల్ పోటీల్లో వారు పాల్గొంటారని చెప్పారు. ఈ మేరకు ఆ విద్యార్థులను ఎంఈఓ రాము, ప్రధానోపాధ్యాయురాలు విజయ, అమ్మ ఆదర్శ కమిటీ చైర్పర్సన్ శ్రీలత, ఉపాధ్యాయులు అభినందించారు.
ఖోఖో పోటీలకు
ఉప్పరపల్లి విద్యార్థిని
నర్సంపేట రూరల్: రాష్ట్రస్థాయి ఖోఖో పోటీలకు ఉప్పరపల్లి విద్యార్థిని వర్షిత ఎన్నికైనట్లు ప్రధానోపాధ్యాయురాలు జయ తెలిపారు. చెన్నారావుపేట మండలంలోని ఉప్పరపల్లి జిల్లా పరిషత్ పాఠశాలలో 8వ తరగతి విద్యార్థిని వర్షిత.. ఈనెల 16న ఉమ్మడి వరంగల్ జిల్లా ఖోఖో అసోసియేషన్ పోటీల్లో పాల్గొని ప్రతిభ కనబర్చి రాష్ట్రస్థాయి పోటీలకు ఎంపికై నట్లు వివరించారు. ఈనెల 28 నుంచి 30వ తేదీ వరకు మెదక్ జిల్లాలోని పటాన్చెరులో జరగనున్న రాష్ట్రస్థాయి పోటీల్లో పాల్గొనున్నట్లు వివరించారు. ఈ సందర్భంగా ఆ విద్యార్థిని హెచ్ఎంతో పాటు ఉపాధ్యాయులు గురువారం అభినందించారు. కార్యక్రమంలో వ్యాయామ ఉపాధ్యాయురాలు వీరగోని స్వప్న, ఉపాధ్యాయులు సునీత, శశిధర్, సంతోష్కుమార్, మొగిలి, ఉదయ్కుమార్, రామకృష్ణ, సతీష్, రమాదేవి, సుందర్, ఇందిర, తదితరులు పాల్గొన్నారు.
రాష్ట్ర వాలీబాల్ సెలక్షన్ కమిటీ సభ్యుడిగా రఘువీర్
వర్ధన్నపేట: మండలంలోని ల్యాబర్తి ప్రభుత్వ పాఠశాలలో పీఈటీగా విధులు నిర్వహిస్తున్న జలగం రఘువీర్ను రాష్ట్ర వాలీబాల్ సెలక్షన్ కమిటీ సభ్యుడిగా తెలంగాణ వాలీబాల్ అసోసియేషన్ ద్వారా ఎంపికై నట్లు పాఠశాల హెచ్ఎం లింగం శైలజ తెలిపారు. ఈనెల 29 నుంచి డిసెంబర్ 2వ తేదీ వరకు తెలంగాణ వాలీబాల్ అసోసియేషన్ ఆధ్వర్యంలో సిరిసిల్ల పట్టణంలో నిర్వహించనున్న తెలంగాణ రాష్ట్రస్థాయి వాలీబాల్ జూనియర్ (18 ఏళ్లు) పోటీల్లో పాల్గొనే క్రీడాకారుల ప్రతిభ ఆధారంగా ఎంపిక చేసే తెలంగాణ బాలికల జట్టు సెలక్షన్ కమిటీ సభ్యుడిగా ఆయన నియామకం అయ్యారని వివరించారు. ఈ మేరకు రఘువీర్ను హెచ్ఎం శైలజతో పాటు పలువురు అభినందించారు.
టీచర్గా మారిన కలెక్టర్
టీచర్గా మారిన కలెక్టర్
టీచర్గా మారిన కలెక్టర్
టీచర్గా మారిన కలెక్టర్


