సర్పంచ్‌ స్థానాలకు 101, వార్డులకు 37 నామినేషన్లు

వరంగల్‌: వరంగల్‌ జిల్లాలోని మొదటి విడత పర్వతగిరి, రాయపర్తి, వర్ధన్నపేట మండలాల్లో 91 గ్రామ పంచాయతీలు, 800 వార్డు స్థానాలకు నామినేషన్లు స్వీకరించినట్లు జిల్లా సహాయ ఎన్నికల అధికారి, డీపీఓ కల్పన ఒక ప్రకటనలో తెలిపారు. పర్వతగిరి మండలంలో 33 సర్పంచ్‌ స్థానాలకు 34 నామినేషన్లు, 288 వార్డులకు 24 నామినేషన్లు, రాయపర్తి మండలంలోని 40 సర్పంచ్‌ స్థానాలకు, 45 నామినేషన్లు, 342 వార్డు స్థానాలకు 8 నామినేషన్లు, వర్ధన్నపేట మండలంలోని 18 సర్పంచ్‌ స్థానాలకు 22 నామినేషన్లు, 170 వార్డు స్థానాలకు 5 నామినేషన్లు, మొత్తం 91 సర్పంచ్‌ స్థానాలకు 101 నామినేషన్లు, 800 వార్డు స్థానాలకు 37 నామినేషన్లు దాఖలు అయ్యాయి.