సమ్మయ్య సేవలు అభినందనీయం

సమ్మయ్య సేవలు అభినందనీయం

ఎమ్మెల్సీ పింగిళి శ్రీపాల్‌రెడ్డి

వేలేరు : ప్రతీ ఉద్యోగికి ఉద్యోగ విరమణ సహజమని ఎమ్మెల్సీ పింగిళి శ్రీపాల్‌ రెడ్డి అన్నారు. ఎర్రబెల్లి ప్రభుత్వ పాఠశాలలో ఉపాధ్యాయుడు పతంగి సమ్మయ్య ఉద్యోగ విరమణ కార్యక్రమాన్ని బుధవారం నిర్వహించారు. ముఖ్య అతిథిగా ఆయన హాజరై మాట్లాడుతూ ఉపాధ్యాయ వృత్తిలో సమ్మయ్య సేవలు అభినందనీయమని అన్నారు. పీఆర్టీయూ టీఎస్‌ మండల కార్యకర్తగా, ఉత్తమ ఉపాధ్యాయుడిగా, క్రమశిక్షణతో విద్యార్థులను ఉన్నత స్థానాలకు చేర్చారని కొనియాడారు. ఉపాధ్యాయుల సమస్యలను ప్రభుత్వం దృష్టికి తీసుకెళ్లి పరిష్కారానికి కృషిచేస్తానని హామీ ఇచ్చారు. అనంతరం సమ్మయ్యను ఘనంగా సన్మానించారు. కార్యక్రమంలో పీఆర్టీయూ టీఎస్‌ జిల్లా అధ్యక్షుడు తిరుపతిరెడ్డి, ప్రధాన కార్యదర్శి శ్రీహరి, మండల అధ్యక్షుడు భానుప్రసాద్‌రెడ్డి, సంఘం బాధ్యులు అబ్దుల్‌గఫార్‌, పీటర్‌, ప్రవీణ్‌, కోమల్‌రెడ్డి, అమిత, ఇస్మాయిల్‌, శ్రీనివాస్‌ రెడ్డి, రవీందర్‌రెడ్డి తదితరులు పాల్గొన్నారు.