TV
సమయపాలన తప్పనిసరి
జిల్లా వైద్యాధికారి అప్పయ్య
వేలేరు : ప్రజలకు అందుబాటులో ఉంటూ వైద్యులు, సిబ్బంది తప్పనిసరిగా సమయపాలన పాటించాలని జిల్లా వైద్యాధికారి డాక్టర్‌ అప్పయ్య పేర్కొన్నారు. మంగళవారం మండల కేంద్రంలోని ప్రాథమిక ఆరోగ్య కేంద్రాన్ని డీఎంహెచ్‌ఓ తనిఖీ చేశారు. ఆర్యోగ కేంద్రంలోని సిబ్బంది హాజరు, మందులు, ఓపీ రికార్డులు పరిశీలించారు. ఈ సందర్భంగా డీఎంహెచ్‌ఓ అప్పయ్య మాట్లాడుతూ వైద్య సిబ్బంది కచ్చితంగా సమయపాలన పాటించాలని, విధుల్లో అలసత్వం వహిస్తే కఠిన చర్యలు తప్పవని హెచ్చరించారు. రోగులకు అందుతున్న వైద్యసేవలను వారిని అడిగి తెలుసుకున్నారు. అలాగే ఇటీవల సాక్షి దినపత్రికలో ప్రచురితమైన అద్దె చెల్లించడం లేదని పల్లె దవాఖానకు తాళం, ప్రాథమిక ఆరోగ్య కేంద్రంలో 24 గంటల వైద్యం అందేనా అనే కథనాలపై ఆరా తీశారు. కార్యక్రమంలో పల్లె దవాఖాన డాక్టర్లు నవీన్‌, మమత, హెచ్‌ఈఓ వెంకటేశ్వర్లు తదితరులు పాల్గొన్నారు.
