విద్యార్థులు కష్టపడి చదవాలి

● డీఈఓ రంగయ్యనాయుడు

సంగెం: ప్రభుత్వ పాఠశాలల్లో చదివే విద్యార్థులు ట్రిపుల్‌ ఐటీలో సీటు పొందడమే లక్ష్యంగా కష్టపడి చదవాలని జిల్లా విద్యాశాఖాధికారి రంగయ్య నాయుడు అన్నారు. మంగళవారం మండలంలోని గవిచర్ల మోడల్‌ స్కూల్‌, జెడ్పీహెచ్‌ఎస్‌, సంగెంలోని కస్తూర్భాగాంధీ బాలికల విద్యాలయాన్ని సందర్శించారు. ఈ సందర్భంగా పాఠశాలల్లో ఉపాధ్యాయుల బోధన తీరు పరిశీలించారు. ప్రత్యేక తరగతులు, ఎఫ్‌ఎల్‌ఎన్‌ ప్రోగ్రాం ద్వారా వెనకబడిన విద్యార్థుల పిల్లల సామర్థ్యాలను పెంపొందించాలన్నారు. పాఠశాలల్లో ఐఎఫ్‌బీ ప్యానెల్‌ ద్వారా ఆన్‌లైన్‌ పాఠాలు బోధించాలన్నారు. ఖాన్‌ అకాడమీ రిజిస్ట్రేషన్‌ వందశాతం పూర్తి చేయాలన్నారు. పదో తరగతి విద్యార్థులతో మాట్లాడుతూ అత్యుత్తమ ఫలితాల సాధన కృషి చేయాలన్నారు. ఈ కార్యక్రమంలో ఏఎంఓ సృజన్‌తేజ, ఎంఈఓ రాము, సీఆర్‌పీలు శ్రీధర్‌, శంకర్‌ పాల్గొన్నారు.

చిన్న పిల్లలతో స్నేహపూర్వకంగా మెలగాలి

కాళోజీ సెంటర్‌: పూర్వ ప్రాథమిక పాఠశాల ఉపాధ్యాయులు చిన్న పిల్లలతో స్నేహపూర్వకంగా మెలగాలని డీఈఓ రంగయ్యనాయుడు అన్నారు. ఇటీవల జిల్లా వ్యాప్తంగా ఎన్నికై న 34 మంది పూర్వ ప్రాథమిక పాఠశాల ఉపాధ్యాయులకు ఐదు రోజుల శిక్షణ కార్యక్రమాన్ని మంగళవారం రంగశాయిపేటలోని హైస్కూల్‌లో ప్రారంభించారు. ఈ సందర్భంగా డీఈఓ మాట్లాడారు. ప్రభుత్వం అందించే బోధనోపకరణతో విద్యార్థులకు అర్థమయ్యేరీతిలో బోధించాలన్నారు. కార్యక్రమంలో ఏఎంఓ సృజన్‌ తేజ, గెజిటెడ్‌ ఉపాధ్యాయులు రామకృష్ణారెడ్డి, ఆర్పీలు ఏవీఆర్‌ చార్యులు, టి.శ్రీధర్‌ గౌడ్‌, బి.రాయపరెడ్డి, సీహెచ్‌,రామకృష్ణ తదితరులు పాల్గొన్నారు.