TV
లేబర్‌ కోడ్‌లను ఉపసంహరించుకోవాలి
నర్సంపేట: కేంద్ర ప్రభుత్వం తీసుకువచ్చిన నాలుగు లేబర్‌ కోడ్‌లను ఉపసంహరించుకోవాలని ఏఐఎఫ్‌టీయూ (న్యూ) తెలంగాణ రాష్ట్ర అధ్యక్షుడు మోడెం మల్లేషం డిమాండ్‌ చేశారు. ఈ మేరకు పట్టణంలోని ఎంజేఆర్‌ ఇండస్ట్రీస్‌ వద్ద మంగళవారం నిరసన కార్యక్రమం చేపట్టారు. ఈ సందర్భంగా ఆయన మాట్లాడుతూ రైతు వ్యతిరేక మూడు వ్యవసాయ చట్టాల తరహాలోనే కార్మిక వ్యతిరేక నాలుగు లేబర్‌ కోడ్‌లను తీసుకు వచ్చిందన్నారు. ఈ లేబర్‌ కోడ్‌లు కార్మికుల మేలు కోసం కాకుండా పారిశ్రామిక యజమానులు, కార్పొరేట్‌ కంపెనీల ప్రయోజనాల కోసం రూపొందించినవన్నారు. ఈప్‌ ఆఫ్‌ డూయింగ్‌ బిజినెస్‌ పేరిట యజమానులకు మేలు చేకూర్చటమే పరమావధిగా రూపొందించిన లేబర్‌ కోడ్‌లతో పాటు ఇటీవలే కేంద్ర ప్రభుత్వం విడుదల చేసిన శ్రమ్‌ శక్తి నీటి 2025 ముసాయిదాను రద్దు చేయాలని డిమాండ్‌ చేశారు. ఇందుకోసం ఈనెల 26న జరిగే దేశవ్యాప్త ఆందోళనలో కార్మికులు పాల్గొని నిరసన వ్యక్తం చేయాలని పిలుపునిచ్చారు. ఈ కార్యక్రమంలో సంఘం నాయకులు రొట్టే శ్రీనివాస్‌, దేవేందర్‌, రవి, మొగిలి, శ్రీనివాస్‌, మహేందర్‌, యాకయ్య, గిరి, నవీన్‌, కుమారస్వామి, శంకర్‌, వీరస్వామి, తాండ్ర రాజు, అన్నయ్య, తదితరులు పాల్గొన్నారు.
