TV
శాయంపేట పోలీస్‌ స్టేషన్‌ తనిఖీ
పోలీసు సిబ్బందిని అభినందించిన డీసీపీ
శాయంపేట: మండల కేంద్రంలోని శాయంపేట పోలీస్‌ స్టేషన్‌ను సోమవారం పరకాల ఏసీపీ సతీశ్‌బాబు ఆధ్వర్యంలో వార్షిక తనిఖీల్లో భాగంగా ఈస్ట్‌ జోన్‌ డీసీపీ అంకిత్‌కుమార్‌ సందర్శించారు. ఈసందర్భంగా సీఐ రంజిత్‌ రావు, ఎస్సై జక్కుల పరమేశ్‌ సిబ్బందితో మార్చ్‌ఫాస్ట్‌ నిర్వహించి డీసీపీ అంకిత్‌కుమార్‌కు గౌరవ వందనం చేశారు. అనంతరం పోలీస్‌ స్టేషన్‌ను పరిశీలించి ఆవరణలో మొక్కలు నాటారు. సిబ్బందితో మాట్లాడి వివరాలు తెలుసుకున్నారు. అనంతరం డీసీపీ అంకిత్‌ కుమార్‌ మా ట్లాడుతూ.. నేరాల నియంత్రణకు మండల కేంద్రంలో, గ్రామాల్లో నిరంతరం పోలీసులు పెట్రోలింగ్‌ నిర్వహించి నేరాలను అరికట్టాలని సూచించారు. పోలీస్‌ స్టేషన్‌ పరిసరాలను పరిశీలించిన డీసీపీ.. గోడలకు వేయించిన పెయింటింగ్‌, బోర్డు, పోలీస్‌ స్టేషన్‌ ఆవరణలో వాల్‌ పెయింటింగ్‌ను చూసి సీఐ రంజిత్‌రావు, ఎస్సై జక్కుల పరమేశ్‌ను అభినందించారు. ఆయన వెంట పోలీస్‌ సిబ్బంది ఉన్నారు.
