TV
కలెక్టరేట్‌లో నేటి గ్రీవెన్స్‌ రద్దు
న్యూశాయంపేట: కలెక్టరేట్‌లో సోమవారం నిర్వహించే గ్రీవెన్స్‌ను పరిపాలనాపరమైన కారణాలతో రద్దు చేస్తున్నట్లు కలెక్టర్‌ డాక్టర్‌ సత్యశారద ఆదివారం ఒక ప్రకటనలో తెలిపారు. జిల్లా ప్రజలు ఈ విషయాన్ని గమనించి వినతిపత్రాలు ఇచ్చేందుకు కలెక్టరేట్‌కు రావొద్దని కలెక్టర్‌ కోరారు.
వరంగల్‌: కాశిబుగ్గలోని కాశీ విశ్వేశ్వరస్వామి దేవాలయంలో ఆదివారం ఉదయం వేదపండితుల ఆధ్వర్యంలో గణపతి సహిత రుద్ర చండీహోమాన్ని నిర్వహించారు. పూజా కార్యక్రమంలో కొమురయ్య, వైకుంఠం, కృష్ణమూర్తి, ఓంకారేశ్వర్‌, రవికుమార్‌, సాయికృష్ణ, బండారి భాస్కర్‌, సతీష్‌ దంపతులు, బరుపాటి స్వప్న, శ్రీదేవి, ముప్పవరపు భిక్షపతి పాల్గొన్నారు.
టెట్‌ నుంచి మినహాయించాలి
రామన్నపేట: ఇన్‌సర్వీస్‌ ఉపాధ్యాయులకు టెట్‌ నుంచి మినహాయింపు ఇవ్వాలని ఎస్సీ, ఎస్టీ ఉపాధ్యాయ సంఘం రాష్ట్ర అధ్యక్షుడు అంజయ్య, ప్రధాన కార్యదర్శి చాగంటి ప్రభాకర్‌ డిమాండ్‌ చేశారు. వరంగల్‌లోని మట్టెవాడ ఉన్నత పాఠశాలలో ఎస్సీ, ఎస్టీ ఉపాధ్యాయుల సంఘం జిల్లా సమావేశం ఆదివారం నిర్వహించారు. ఈ సందర్భంగా వారు మాట్లాడుతూ సుదీర్ఘ కాలంగా పెండింగ్‌లో ఉన్న ఐదు డీఏలను వెంటనే విడుదల చేయాలని, నూతన పీఆర్సీ అమలు చేయాలని కోరారు. స్కూల్‌ అసిస్టెంట్‌ పైస్థాయి ఎస్సీ, ఎస్టీ ఉపాధ్యాయులకు ఉన్నత చదువులకు ఆన్‌డ్యూటీలో అవకాశమిస్తున్న జీఓ 342లో ఉన్న అడ్డంకులను తొలగించాలని సూచించారు. సమావేశంలో జిల్లా అధ్యక్షుడు పరశురాం, ప్రధాన కార్యదర్శి నర్సయ్య, నవీన్‌కుమార్‌, ప్రభాకర్‌, ప్రగతికుమార్‌, అనిల్‌, విజయ్‌కుమార్‌, వెంకన్న, ప్రభాకర్‌, దయాకర్‌, రాములు, కుమారస్వామి, వీరస్వామి, నీలయ్య పాల్గొన్నారు.
నగరాభివృద్ధికి కలిసి పోరాడుదాం
వరంగల్‌ చౌరస్తా: ప్రజా సమస్యల పరిష్కారం, నగరాభివృద్ధే లక్ష్యంగా ఎంసీపీఐ (యూ) నగర కమిటీ పోరాటాలు చేస్తోందని ఆ పార్టీ వరంగల్‌ జిల్లా కార్యదర్శి పెద్దారపు రమేశ్‌ తెలిపారు. వరంగల్‌ అండర్‌ బ్రిడ్జి ఓంకార్‌ భవన్‌లో పార్టీ ముఖ్య కార్యకర్తల సమావేశం జగదీశ్వర్‌ రావు అధ్యక్షతన ఆదివారం జరిగింది. ఈ సందర్భంగా రమేశ్‌ మాట్లాడుతూ వరంగల్‌ నగర సమగ్ర అభివృద్ధి కేవలం మాటలో తప్ప చేతల్లో లేదని ఎద్దేవా చేశారు. నగర అభివృద్ధికి కార్యకర్తలు ఎక్కడికక్కడ స్పందించాలన్నారు. కార్మికుల హక్కులను తొలగిస్తూ ఆధునిక బానిసలుగా మార్చేస్తూ బడా కార్పొరేట్‌ శక్తులకు సంపాదనంతా పాలకులు ధారదాత్తం చేస్తున్నారని ఆవేదన వ్యక్తం చేశారు. సమావేశంలో నగర కార్యదర్శి మాలోతు సాగర్‌, నాయకులు నర్ర ప్రతాప్‌, ఎగ్గేని మల్లికార్జున్‌, ముక్కెర రామస్వామి, మాలోత్‌ు ప్రత్యూష, ఐతం నగేష్‌, గణేపాక ఓదెలు, తాటికాయల రత్నం, మాలి ప్రభాకర్‌, నర్సయ్య, ఐలయ్య, రవీందర్‌, రామస్వామి, మంద అనిల్‌, విజయ, పూలమ్మ, యశోద పాల్గొన్నారు.
‘లేబర్‌ కోడ్‌లను వెంటనే రద్దు చేయాలి’
వరంగల్‌: దేశవ్యాప్తంగా అమల్లోకి తీసుకొచ్చిన నాలుగు లేబర్‌ కోడ్‌లను వెంటనే రద్దు చేయాలని ఐఎఫ్‌టీయూ (ఇఫ్టూ) ఉమ్మడి వరంగల్‌ జిల్లా అధ్యక్షుడు గంగుల దయాకర్‌ డిమాండ్‌ చేశారు. ఈ మేరకు ఇఫ్టూ ఆధ్వర్యంలో లేబర్‌ కోడ్‌ల జీఓ పత్రాలను కాశిబుగ్గ అంబేడ్కర్‌ సెంటర్‌లో ఆదివారం దహనం చేసిన నిరసన తెలిపారు. ఈ సందర్భంగా ఆయన మాట్లాడుతూ పెట్టుబడిదారులకు కార్మికుల శ్రమశక్తిని తాకట్టు పెట్టేందుకు ఈ కోడ్‌లను కేంద్రంలోని బీజేపీ ప్రభుత్వం తీసుకొచ్చిందని విమర్శించారు. నిరసన కార్యక్రమంలో నాయకులు నరసింహ, బండి కుమార్‌, వెంకట్‌స్వామి, భాస్కర్‌, రాజేందర్‌, రాకేష్‌, శ్యాం, రమేశ్‌, సదానందం, వీరన్న పాల్గొన్నారు.
కలెక్టరేట్‌లో నేటి గ్రీవెన్స్‌ రద్దు
కలెక్టరేట్‌లో నేటి గ్రీవెన్స్‌ రద్దు
