విద్యార్థులు క్రీడల్లో రాణించాలి
వేలేరు: విద్యార్థులు చదువుతోపాటు క్రీడల్లో రాణించాలని రాష్ట్ర ఆయిల్ ఫెడ్ చైర్మన్ జంగా రాఘవరెడ్డి సూచించారు. మండల కేంద్రంలో 25వ జిల్లాస్థాయి కబడ్డీ ఇంటర్జోనల్ జూనియర్ సెలక్షన్స్ను ఆ సంఘం జిల్లా అధ్యక్షుడు, జిల్లా గంథ్రాలయ సంస్థ చైర్మన్ అజీజ్ఖాన్తో కలిసి ఆదివారం ఆయన ప్రారంభించారు. ఈసందర్భంగా రాఘవరెడ్డి మాట్లాడుతూ.. క్రీడల్లో గెలుపోటములు సహజమని, వాటిని సమానంగా స్వీకరించాలని సూచించారు. దేశ భవిష్యత్ యువత చేతుల్లోనే ఉందని, వ్యసనాలకు అలవాటు పడి భవిష్యత్ నాశనం చేసుకోవద్దన్నారు. అనంతరం గెలుపొందిన జట్లకు బహుమతులు అందజేశారు. కార్యక్రమంలో మాజీ సర్పంచ్ మాధవరెడ్డి, కబడ్డీ అసోసియేషన్ జిల్లా సహాయ కార్యదర్శి సద్దాం హుస్సేన్, కబడ్డీ అసోసియేషన్ బాధ్యులు తదితరులు పాల్గొన్నారు.
రాష్ట్ర ఆయిల్ ఫెడ్ చైర్మన్ జంగా రాఘవరెడ్డి


