గీతన్నల రణభేరిని విజయవంతం చేయాలి

గీతన్నల రణభేరిని విజయవంతం చేయాలి

ఎల్కతుర్తి: సూర్యాపేటలో ఈనెల 28న నిర్వహించనున్న ‘గీతన్నల రణభేరి’ సభను విజయవంతం చేయాలని తెలంగాణ కల్లుగీత కార్మిక సంఘం జిల్లా అధ్యక్షుడు బుర్ర శ్రీనివాస్‌గౌడ్‌ కోరారు. ఆదివారం మండల కేంద్రంలోని ఎల్లమ్మగుడి ప్రాంగణంలో ‘హాలో గీతన్న చలో సూర్యాపేట’ వాల్‌పోస్టర్‌ను ఆవిష్కరించారు. ఈ సందర్భంగా ఆయన మాట్లాడుతూ భారీ ప్రదర్శన, బహిరంగ సభకు వేలాదిగా గీత కార్మికులు తరలివచ్చి విజయవంతం చేయాలని పిలుపునిచ్చారు. రాష్ట్రంలోని గీత కార్మికుల సమస్యలు చర్చించి భవిష్యత్‌ కార్యాచరణ రూపొందిస్తామని, రూ.4వేల పెన్షన్‌, ప్రమాదవశాత్తు మరణిస్తే రూ.10 లక్షల ఎక్స్‌గ్రేషియా, వృత్తి పనిచేసే వారందరికీ కాటమయ్య రక్షణ కిట్లు, నీరా, తాటి, ఈత ఉత్పత్తుల పరిశ్రమల ఏర్పాటు తదితర డిమాండ్ల పరిష్కారం కోసం సభలో చర్చించనున్నట్లు తెలిపారు. నాయకులు లక్ష్మీనారాయణ, సధానందం, చంద్రమౌళి, కుమారస్వామి, వీరస్వామి, రాజేశ్‌గౌడ్‌, సుమన్‌గౌడ్‌, శ్రీకాంత్‌, విక్రమ్‌, వివేక్‌ తదితరులు పాల్గొన్నారు.

కల్లుగీత కార్మిక సంఘం జిల్లా అధ్యక్షుడు

బుర్ర శ్రీనివాస్‌గౌడ్‌