TV
కమిషనరేట్‌కు రెండో మొబైల్‌ ఫోరెన్సిక్‌ వాహనం
● జెండా ఊపి ప్రారంభించిన
సీపీ సన్‌ప్రీత్‌సింగ్‌
వరంగల్‌ క్రైం: వరంగల్‌ పోలీస్‌ కమిషనరేట్‌కు కొత్తగా కేటాయించిన మొబైల్‌ ఫోరెన్సిక్‌ రెండో వాహనాన్ని వరంగల్‌ పోలీస్‌ కమిషనర్‌ సన్‌ప్రీత్‌ సింగ్‌ శనివారం తన కార్యాలయంలో జెండా ఊపి ప్రారంభించారు. అనంతరం ఆయన మాట్లాడుతూ ప్రస్తుతం అందుబాటులో ఉన్న పరిజ్ఞానాన్ని వినియోగించుకుని అత్యాధునిక పరికరాలతో రూపొందించిన ఈ మొబైల్‌ ఫోరెన్సిక్‌ వాహనం వరంగల్‌ కమిషనరేట్‌ పోలీసులకు మరింత మెరుగైన సేవలందిస్తుందన్నారు. నేరం జరిగిన ప్రదేశానికి ఫోరెన్సిక్‌, ఫింగర్‌ ప్రింట్‌ అధికారులు, సిబ్బంది ఈ మొబైల్‌ ఫోరెన్సిక్‌ వాహనంలో చేరుకుని రక్తమరకలు, వేలిముద్రలతోపాటు ఇతర సాక్ష్యాధారాలను సేకరిస్తారని తెలిపారు.
