అధిక సాంద్రత పత్తి సాగుతో లాభాలు

గీసుకొండ: అధిక సాంద్రత పత్తి సాగుతో రైతులు అధిక లాభాలు పొందవచ్చునని మామునూరు కృషి విజ్ఞాన కేంద్రం ప్రోగ్రాం కోఆర్డినేటర్‌ బిందుమాధురి అన్నారు. అనంతారంలో శుక్రవారం క్షేత్ర దినోత్సవం నిర్వహించారు. ఈ సందర్భంగా ఆమె మాట్లాడుతూ అధిక సాంద్రత పద్ధతిలో పత్తి సాగు చేస్తే కూలీల ఖర్చు, పంటకాలం తగ్గి అధిక దిగుబడి వస్తుందని పేర్కొన్నారు. యంత్రాలతో పత్తి తీయడానికి వీలు కలుగుతుందని వివరించారు. గులాబీరంగు పురుగు ఉధృతి నుంచి పంటను కాపాడుకోవచ్చునన్నారు. కార్యక్రమంలో శాస్త్రవేత్తలు డాక్టర్‌ సౌమ్య, డాక్టర్‌ రాజు, రైతులు నరసింహారావు, వెంకటేశ్వర్లు, విత్తనసంస్థ ఏరియా మేనేజర్‌, సేల్స్‌ మేనేజర్‌ మురళి, సేల్స్‌ ఆఫీసర్‌ నాగరాజు, సురేష్‌, ఏఓ హరిప్రసాద్‌, ఏఈఓ అఖిల తదితరులు పాల్గొన్నారు.