TV
అవినీతి రహిత సమాజాన్ని నిర్మించాలి : ఎన్‌హెచ్‌ఆర్‌సీ
సంగెం: అవినీతి రహిత సమాజస్థాపనకు ప్రతిఒక్కరూ కృషిచేయాలని జాతీయ మానవ హక్కుల కమిటీ(ఎన్‌హెచ్‌ఆర్‌సీ) రాష్ట్ర అధ్యక్షుడు మొగుళ్ల భద్రయ్య పిలుపునిచ్చారు. మండల కేంద్రంలో శుక్రవారం జరిగిన సమావేశంలో ఆయన మాట్లాడుతూ దేశ సంపదను, ప్రజాధనాన్ని దుర్వినియోగం చేసే అవినీతిపరుల ఆటకట్టించి పేదల పక్షాన పోరాడుతామన్నారు. ఎన్‌హెచ్‌ఆర్‌సీ మండల కమిటీ అధ్యక్షుడిగా బొల్లేబోయిన రాజేందర్‌, ఉపాధ్యక్షులుగా రాయపురం రాజశేఖర్‌, మనుకుంట్ల మోహన్‌, ప్రధాన కార్యదర్శిగా కొండోజు జగదీశ్‌, కార్యదర్శిగా అంజద్‌ను నియమించారు. రాష్ట్ర సభ్యులు ఉచత శ్రీకాంత్‌, జిల్లా అధ్యక్షుడు మేరుగు రాంబాబు, ప్రధాన కార్యదర్శి రమేశ్‌, జిల్లా అధికార ప్రతినిధి బొడ్డుపల్లి వెంకటరాజం, మాజీ సర్పంచ్ కిశోర్‌ యాదవ్‌ తదితరులు పాల్గొన్నారు.
రిజర్వేషన్లు పకడ్బందీగా అమలు చేయాలి : కలెక్టర్‌
వరంగల్‌: పంచాయతీ ఎన్నికల్లో భాగంగా సర్పంచ్, వార్డు సభ్యుల రిజర్వేషన్లను నిబంధనల ప్రకారం పకడ్బందీగా అమలు చేయాలని జిల్లా ఎన్నికల అధికారి, కలెక్టర్‌ డాక్టర్‌ సత్యశారద అన్నారు. కలెక్టరేట్‌ సమావేశ మందిరంలో ఎంపీడీఓలు, ఎఆర్వోలు, మండల పంచాయతీ అధికారులతో శుక్రవారం జరిగిన సమావేశంలో ఆమె మాట్లాడారు. రిజర్వేషన్లతోపాటు పోలింగ్‌ స్టేషన్లలో కావాల్సిన కనీస వసతులను కల్పించాలని ఎంపీడీఓలను ఆదేశించారు. సమావేశంలో అదనపు కలెక్టర్‌ సంధ్యారాణి, జెడ్పీ సీఈఓ రాంరెడ్డి, డీపీఓ కల్పన, వరంగల్‌, నర్సంపేట ఆర్డీఓలు పాల్గొన్నారు.
రాష్ట్రస్థాయి ఖోఖో పోటీలకు స్పందన
నర్సంపేట రూరల్‌: చెన్నారావుపేట మండలంలోని ఉప్పరపల్లి జిల్లా పరిషత్‌ సెకండరీ పాఠశాలలో పదో తరగతి చదువుతున్న పప్పు స్పందన రాష్ట్రస్థాయి పోటీలకు ఎంపికై నట్లు ప్రధానోపాధ్యాయురాలు వీరగోని స్వప్న తెలిపారు. ఈ మేరకు శుక్రవారం పాఠశాలలో స్పందనను ఘనంగా సన్మానించారు. ఈ సందర్భంగా స్వప్న మాట్లాడుతూ యాదాద్రి జిల్లా పంతంగి జిల్లా పరిషత్‌ సెంకడరీ పాఠశాలలో ఈనెల 23 నుంచి 26 వరకు జరిగే రాష్ట్రస్థాయి పోటీల్లో స్పందన పాల్గొంటుందని తెలిపారు.
సాధారణ ప్రసవాలను ప్రోత్సహించాలి
దుగ్గొండి: ప్రభుత్వ ఆస్పత్రుల్లో సాధారణ ప్రసవాలు జరిగేలా చూడాలని రాష్ట్ర వైద్య, ఆరోగ్య కుటుంబ సంక్షేమశాఖ సంచాలకుడు డాక్టర్‌ రవీందర్‌నాయక్‌ అన్నారు. మండల కేంద్రంలోని ప్రాథమిక ఆరోగ్య కేంద్రాన్ని శుక్రవారం సాయంత్రం ఆయన ఆకస్మికంగా తనిఖీ చేశారు. పరిసరాలు అపరిశుభ్రంగా ఉండడంతో కొంత అసహనం వ్యక్తం చేశారు. ఈ సందర్భంగా సిబ్బందితో నిర్వహించిన సమీక్షలో ఆయన మాట్లాడారు. 102 సేవలను ఉపయోగించుకుని వందశాతం సాధారణ ప్రసవాలను సమీప ఆస్పత్రుల్లో ప్రోత్సహించాలని సూచించారు. డీఎంహెచ్‌ఓ సాంబశివరావు, డిప్యూటీ డీఎంహెచ్‌ఓ ప్రకాశ్‌, స్థానిక వైద్యాధికారి కిరణ్‌రాజు, సిబ్బంది పాల్గొన్నారు. కాగా, మండల కేంద్రంలోని ప్రాథమిక ఆరోగ్య కేంద్రాన్ని కమ్యూనిటీ హెల్త్‌ సెంటర్‌గా అప్‌గ్రేడ్‌ చేయాలని పలువురు డీహెచ్‌ రవీందర్‌నాయక్‌కు వినతిపత్రం అందించారు. సానుకూలంగా స్పందించిన ఆయన పరిశీలిస్తానని హామీ ఇచ్చారు. గుండెకారి రవికుమార్‌, మహ్మద్‌ అక్బర్‌పాషా, కక్కెర్ల ప్రమోద్‌, యాదగిరి నవీన్‌, కొలగాని రవి, గై నాగార్జున్‌ పాల్గొన్నారు.
అవినీతి రహిత సమాజాన్ని నిర్మించాలి : ఎన్‌హెచ్‌ఆర్‌సీ
