ఫిబ్రవరిలో మొదటి విడత పరిహారం..

ఫిబ్రవరిలో మొదటి విడత పరిహారం..

నాకు ఉన్న భూమిలో 1.15 ఎకరాల భూమి గ్రీన్‌ఫీల్డ్‌ హైవేలో పోతున్నది. ఈ ఏడాది పిబ్రవరి 19న మొదటి విడత పరిహారం వచ్చింది. ఆ తర్వాత ఇప్పటివరకు పరిహారం అందలేదు. నాకంటే ఆలస్యంగా డాక్యుమెంట్లు ఇచ్చినవారికి రెండు విడతల పరిహారం అందింది. పూర్తి పరిహారం ఇవ్వకుండానే నా పాస్‌ పుస్తకం నుంచి భూమి తొలగించారు. యాసంగిలో రైతు భరోసా రాకుండా అయ్యింది. ఇప్పుడు పంట సాగు చేయాలా వద్దా తెలియడం లేదు.

– పెద్దపల్లి వెంకట్రాజం, నర్సానగర్‌

పట్టాలేదు పరిహారం ఎలా..?

మాతాతల కాలం నుంచి వారసత్వంగా భూమి వచ్చింది. కానీ పట్టా కాలేదు. సాగు చేసుకుంటున్నాం. ఇప్పుడు గ్రీన్‌ఫీల్డ్‌ హైవేలో భూమి పోతున్నది. పట్టా ఉన్నవారికి పరిహారం వస్తున్నది. మా పరిస్థితి అర్థం కావడం లేదు. అధికారులు దీనిపై స్పష్టత ఇవ్వాలి. తగిన విచారణ చేసి కోల్పోయిన భూమికి పరిహారం అందించాలి. – ఎడ్ల సురేందర్‌, సంగెం

రైతుల జాబితా పంపించాం..

గ్రీన్‌ఫీల్డ్‌ హైవేలో భూములు కోల్పోతున్న రైతుల వివరాలను పరిహారం కోసం ఉన్నతాధికారులకు పంపించాం. కొంతమందికి పరిహారం జమ అయ్యింది. మరికొంత మందికి రెండో విడత రావాల్సి ఉంది. నేషనల్‌ హై వే అథారిటీ వారి వద్ద పెండింగ్‌లో ఉన్నాయి. ఉన్నతాధికారుల దృష్టికి తీసుకుని వెళ్లి సకాలంలో పరిహారం జమయ్యేలా చూస్తాం.

– రాజ్‌కుమార్‌, తహసీల్దార్‌ సంగెం

1/2

ఫిబ్రవరిలో మొదటి విడత పరిహారం..

2/2

ఫిబ్రవరిలో మొదటి విడత పరిహారం..