ధాన్యం కొనుగోలు కేంద్రం ప్రారంభం

ధాన్యం కొనుగోలు కేంద్రం ప్రారంభం

దుగ్గొండి: మండలంలోని గిర్నిబావిలో మందపల్లి పీఏసీఎస్‌ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని బ్లాక్‌ కాంగ్రెస్‌ అధ్యక్షుడు తోకల శ్రీనివాసరెడ్డి, మార్కెట్‌ డైరెక్టర్‌ రామారావుతో కలిసి ప్రారంభించారు. ‘కొనుగోలు కేంద్రాల్లేవ్‌’ శీర్షికన సాక్షిలో శుక్రవారం ప్రచురితమైన కథనానికి అధికారులు స్పందించారు. ఈ మేరకు కొనుగోలు కేంద్రాన్ని ప్రారంభించారు. అనంతరం బ్లాక్‌ కాంగ్రెస్‌ అధ్యక్షుడు తోకల శ్రీనివాసరెడ్డి మాట్లాడారు. ప్రభుత్వం రైతులకు మద్దతు ధరతోపాటు క్వింటాలుకు రూ. 500 బోనస్‌ ఇస్తుందన్నారు. ఫలితంగా ప్రతి ఇంటికి సన్నబియ్యం పంపిణీ చేస్తోందని తెలిపారు. కాంగ్రెస్‌ మండల అధ్యక్షుడు చుక్క రమేశ్‌, మార్కెట్‌ డైరెక్టర్‌ దంజ్యానాయక్‌, మాజీ ఎంపీపీ బూరుగు రవీందర్‌, ఒలిగె నర్సింగరావు, శ్రీరామోజు ప్రభాకర్‌, ఎడెల్లి శ్రీనివాసరెడ్డి, అజ్మీరా తిరుపతి, రవివర్మ, సీఈఓ భిక్షపతి, రంగు వెంకటేశ్వర్లు తదితరులు పాల్గొన్నారు.

1/1

ధాన్యం కొనుగోలు కేంద్రం ప్రారంభం