పేదల సంక్షేమమే కాంగ్రెస్‌ ధ్యేయం

పేదల సంక్షేమమే కాంగ్రెస్‌ ధ్యేయం

పరకాల: అన్ని వర్గాల సంక్షేమమే ధ్యేయంగా కాంగ్రెస్‌ ప్రభుత్వం కృషి చేస్తోందని పరకాల ఎమ్మెల్యే రేవూరి ప్రకాశ్‌రెడ్డి అన్నారు. శుక్రవారం పరకాలలోని ఎమ్మెల్యే క్యాంపు కార్యాలయంలో నడికూడ, పరకాల మండలాల 55 మంది లబ్ధిదారులకు రూ.55.64 లక్షల విలువైన కల్యాణలక్ష్మి, షాదీముబారక్‌ చెక్కులు పంపిణీ చేశారు. 27 మందికి సీఎం సహాయ నిధి ద్వారా రూ.6.78 లక్షల చెక్కులు పంపిణీ చేశారు. కార్యక్రమంలో వ్యవసాయ మార్కెట్‌ కమిటీ చైర్మన్‌ చందుపట్ల రాజిరెడ్డి, ట్రైనీ డిప్యూటీ కలెక్టర్‌ రోహిత్‌ నేత, కమిషర్‌ సుష్మ, పరకాల, నడికూడ తహసీల్దార్‌ విజయలక్ష్మి, రాణి, కాంగ్రెస్‌ నాయకులు దేవేందర్‌రెడ్డి, దేవేందర్‌గౌడ్‌, కొయ్యడ శ్రీనివాస్‌, పాడి ప్రతాప్‌రెడ్డి పాల్గొన్నారు.

షష్టి జాతర కరపత్రం ఆవిష్కరణ

పరకాల పట్టణంలో ప్రజలభాగస్వామ్యంతో మహారుద్రయాగం విజయవంతం కావడం చాలా సంతోషంగా ఉందని పరకాల ఎమ్మెల్యే రేవూరి ప్రకాశ్‌రెడ్డి అన్నారు. శుక్రవారం శ్రీకుంకుమేశ్వరస్వామి దేవస్థానంలో షష్ఠి మహోత్సవం కరపత్రాన్ని ఆవిష్కరించారు. మహాయాగం విజయవంతం చేసినందుకు అధికారులకు, యాగ సమితి సభ్యులకు, దేవస్థానం కమిటీ ధర్మకర్తలను సన్మానించారు. అదే విధంగా పరకాల మున్సిపాలిటీ పారిశుద్ధ్య కార్మికులకు దుస్తులు పంపిణీ చేశారు. కార్యక్రమంలో కమిషనర్‌ కె.సుష్మ, సీఐ క్రాంతికుమార్‌, దేవస్థానం చైర్మన్‌ కొలుగూరి రాజేశ్వర్‌రావు, రుద్రయాగ సమితి అధ్యక్షుడు ఎర్రం లక్ష్మణ్‌, ప్రధానార్చకుడు కోమాళ్లపల్లి సంపత్‌కుమార్‌ శర్మ, వినయ్‌శర్మ, కాంగ్రెస్‌ పట్టణ అధ్యక్షుడు కొయ్యడ శ్రీనివాస్‌ తదితరులు పాల్గొన్నారు.

పరకాల ఎమ్మెల్యే రేవూరి ప్రకాశ్‌రెడ్డి

కల్యాణలక్ష్మి, షాదీముబారక్‌

చెక్కుల పంపిణీ