TV
డ్రగ్స్‌ రహిత సమాజాన్ని నిర్మిద్దాం
● వరంగల్‌ పోలీస్‌ కమిషనర్‌ సన్‌ప్రీత్‌ సింగ్‌
వరంగల్‌ క్రైం : డ్రగ్స్‌ రహిత సమాజాన్ని నిర్మిద్దామని వరంగల్‌ పోలీస్‌ కమిషనర్‌ సన్‌ప్రీత్‌ సింగ్‌ తెలిపారు. యువత మత్తు పదార్థాలకు దూరంగా ఉండాలని డ్రగ్స్‌ కంట్రోల్‌ టీం ఆధ్వర్యంలో ‘సే నో టు డ్రగ్స్‌’ అనే నినాదంతో రూపొందించిన వాల్‌పోస్టర్‌ను సీపీ గురువారం అధికారులతో కలిసి ఆవిష్కరించారు. ఈ సందర్భంగా సీపీ మాట్లాడుతూ.. మత్తు పదార్థాల నియంత్రణలో ప్రజలు సైతం సహకరించాలని సూచించారు. ఎవరైనా మత్తు పదార్థాల విక్రయాలు, వినియోగాలకు పాల్పడితే వెంటనే 87125 84473, 87126 85299 నంబర్లకు సమాచారం ఇవ్వాలని, వారి వివరాలను గోప్యంగా ఉంచనున్నట్లు సీపీ తెలిపారు. కార్యక్రమంలో అదనపు డీసీపీ రవి, స్పెషల్‌ బ్రాంచ్‌ ఏసీపీ జితేందర్‌ రెడ్డి, ఆర్‌ఐ శివకేశవులు, ఇన్‌స్పెక్టర్‌ సతీశ్‌, ఆర్‌ఎస్సైలు పూర్ణచందర్‌ రెడ్డి, మనోజ్‌ రెడ్డి, నాగరాజు, ర్యాపిడో సంస్థ ప్రతినిధులు దుర్గారావు, సందీప్‌ పాల్గొన్నారు.
