TV
ధాన్యం కొనుగోలు కేంద్రం పరిశీలన
ధాన్యం కొనుగోలు కేంద్రం పరిశీలన
ఎల్కతుర్తి : భీమదేవరపల్లి మండలం గట్లనర్సింగాపూర్‌లో ఏర్పాటు చేసిన ధాన్యం కొనుగోలు కేంద్రాన్ని హనుమకొండ అదనపు కలెక్టర్‌ వెంకట్‌రెడ్డి గురువారం సందర్శించారు. రైతులు విక్రయానికి తీసుకువచ్చిన ధాన్యాన్ని పరిశీలించారు. ఇప్పటి వరకు కేంద్రానికి ఎంత ధాన్యం వచ్చింది, ఎంతమంది రైతుల నుంచి కొనుగోలు చేశారనే వివరాలను అడిగి తెలుసుకున్నారు. బస్తాల తూకాలు, తేమశాతాన్ని పరిశీలించారు. అక్కడినుంచి ప్రభుత్వ ఉన్నత పాఠశాలను సందర్శించి విద్యార్థులకు వడ్డించే మధ్యాహ్న భోజనాన్ని తనిఖీ చేశారు. కార్యక్రమంలో తహసీల్దార్‌ రాజేష్‌, ఇతర శాఖల అధికారులు ఉన్నారు.
