‘సెన్సార్‌’.. బేజార్‌!

‘సెన్సార్‌’.. బేజార్‌!

సాక్షి, వరంగల్‌: ఫిక్స్‌డ్‌ టైంతోనే ఆయా జంక్షన్లలో వాహనాల రద్దీ క్లియర్‌ కావాల్సిన సమస్యను అధిగమించేందుకు గ్రేటర్‌ వరంగల్‌లో అడాప్టివ్‌ ట్రాఫిక్‌ సిగ్నల్‌ కంట్రోల్‌ సిస్టం (ఏటీసీఎస్‌)ను మూడేళ్ల క్రితం అమల్లోకి తెచ్చారు. ఎక్కువ రద్దీగా ఉండే 12 ట్రాఫిక్‌ జంక్షన్లలో ఇప్పటికీ మెజారిటీ అచేతనంగా ఉండడం విమర్శలకు తావిస్తోంది.

సెన్సార్లు సరిగా పనిచేయక..

డివైడర్లు మధ్యలో లేక

ఏటీసీఎస్‌తో నగరంలోని ఓ మార్గంలో ఉన్న నాలుగైదు జంక్షన్లు అనుసంధానమవుతాయి. ఆయా చౌరస్తాల్లో ఎన్ని వాహనాలు వస్తున్నాయని లెక్కించడానికి అవసరమైన పరిజ్ఞానం ట్రాఫిక్‌ కెమెరాల్లో ఉంటుంది. ఇవి కమాండ్‌ అండ్‌ కంట్రోల్‌ సెంటర్‌తో అనుసంధానమవుతాయి. ఏ మార్గాల్లో ట్రాఫిక్‌ ఎక్కువగా ఉంటే ఆ రూట్లకు ఎక్కువ సేపు గ్రీన్‌లైట్‌ పడేలా చేస్తుంది. గరిష్టంగా వంద సెకన్లు మాత్రమే ఇది ఉంటుంది. ఆపై రొటేషన్‌పై సిగ్నల్‌ సైకిల్‌ మొదలవుతుంది. జంక్షన్లలో ఉన్న సీసీటీవీ కెమెరాల సెన్సార్లు 90 మీటర్లలోపు ఉంటేనే క్యాప్చర్‌ చేసే అవకాశం ఉంది. జంక్షన్లలోని ఓ మార్గంలో ఉన్న వాహనాలు అంతకుమించి దూరంలో ఉండడంతో అవి క్యాప్చర్‌ చేయలేకపోతున్నాయి. అదే సమయంలో ఆయా రహదారుల్లోని డివైడర్లు కూడా రోడ్డుకు సరిగ్గా మధ్య భాగంలో లేవు. దీంతో ఓవైపు ఎక్కువగా వాహనాలు, ఇంకోవైపు తక్కువ వాహనాలు ఉండడం వల్ల కూడా ఈ ఏటీసీఎస్‌ సరిగా పనిచేయక ఫిక్స్‌డ్‌ టైంనే సెట్‌ చేసుకొని ట్రాఫిక్‌ సిబ్బంది సేవలందిస్తున్నారు. ఈ విషయమై బల్దియా కమాండ్‌ కంట్రోల్‌ సెంటర్‌ సిబ్బంది ఒకరు మాట్లాడుతూ 12 జంక్షన్లలో ఏటీసీఎస్‌ అమలవుతోంది.. కొన్ని ప్రాంతాల్లో సమస్య ఉంది వాస్తవమేనని క్లియర్‌ చేస్తామన్నారు.

యథావిధిగానే

వాహనదారుల వెయింటింగ్‌

సెన్సార్ల క్యాప్చర్‌ పరిమితి

90 మీటర్ల లోపు ఉండడమే కారణం

పాత పద్ధతిలోనే ట్రాఫిక్‌ క్లియర్‌ చేస్తున్న పోలీసులు