కులవృత్తుల బలోపేతానికి కృషి

కులవృత్తుల బలోపేతానికి కృషి

ఆత్మకూరు : కులవృత్తుల బలోపేతానికి ప్రభుత్వం కృషి చేస్తోందని పరకాల ఎమ్మెల్యే రేవూరి ప్రకాశ్‌రెడ్డి అన్నారు. మండల కేంద్రంలోని పెద్ద చెరువులో గురువారం చేపపిల్లల పంపిణీ కార్యక్రమం నిర్వహించగా ఎమ్మెల్యే చేప పిల్లలను చెరువులో వదిలారు. అనంతరం ఏర్పాటు చేసిన సమావేశంలో ఎమ్మెల్యే ప్రకాశ్‌రెడ్డి మాట్లాడుతూ.. ప్రభుత్వం అందించే చేయూతను మత్స్యకారులు వినియోగించుకోవాలన్నారు. కాంగ్రెస్‌ ప్రజాప్రభుత్వం వందశాతం రాయితీపై చేపపిల్లలను సరఫరా చేస్తోందన్నారు. ఆత్మకూరు పెద్ద చెరువులో 7.35 లక్షల చేప పిల్లలను వదిలామని, పరకాల నియోజకవర్గంలో 227 చెరువులకు గాను మొత్తం 51.98 లక్షల చేప పిల్లలను విడుదల చేస్తున్నట్లు పేర్కొన్నారు. ఇందిరా మహిళా శక్తి పథకం ద్వారా మహిళా సంఘాలకు ప్రభుత్వం 60శాతం సబ్సిడీతో మొబైల్‌ షిప్‌ అవుట్‌లెట్లను ఇవ్వనున్నట్లు తెలిపారు. కార్యక్రమంలో డీఎఫ్‌ఓ శ్రీపతి, మార్కెట్‌ కమిటీ చైర్‌పర్సన్‌ బీరం సునంద సుధాకర్‌రెడ్డి, తహసీల్దార్‌ జగన్‌మోహన్‌రెడ్డి, ఎంపీడీఓ శ్రీనివాస్‌రెడ్డి, ఏఓ యాదగిరి, మత్స్య పారిశ్రామిక సంఘం జిల్లా చైర్మన్‌ బుస్సా మల్లేశం, ఆత్మకూరు మత్స్యసంఘం చైర్మన్‌ గుండెబోయిన భిక్షపతి, కాంగ్రెస్‌ మండల అధ్యక్షుడు కమలాపురం రమేశ్‌, నాయకులు తదితరులు పాల్గొన్నారు.

చేప పిల్లల సైజు తక్కువ ఉందని

తిరిగి పంపించారు..

ఆత్మకూరు పెద్ద చెరువులో వేయాల్సిన 7లక్షల చేప పిల్లలను సైజ్‌ తక్కువ ఉందని మత్స్య సంఘం సభ్యులు తిరిగి పంపించారు. నిర్ణీత సైజు లేకపోతే ఎదుగుదల ఉండదని సభ్యులు తెలిపారు. నాణ్యమైన చేప పిల్లలను పంపిస్తామని కాంట్రాక్టర్‌ చెప్పారని, మళ్లీ పంపాక చెరువులో వేస్తామని చెప్పారు.

పరకాల ఎమ్మెల్యే రేవూరి ప్రకాశ్‌రెడ్డి

మత్స్యకారులకు ఉచిత

చేపపిల్లలు పంపిణీ