కలెక్టరేట్‌లో వృద్ధుల దినోత్సవం | - | Sakshi
Sakshi News home page

కలెక్టరేట్‌లో వృద్ధుల దినోత్సవం

Nov 20 2025 7:08 AM | Updated on Nov 20 2025 7:08 AM

కలెక్టరేట్‌లో వృద్ధుల దినోత్సవం

కలెక్టరేట్‌లో వృద్ధుల దినోత్సవం

న్యూశాయంపేట: కలెక్టరేట్‌ సమావేశ మందిరంలో జిల్లాస్థాయి అంతర్జాతీయ వృద్ధుల దినోత్సవాన్ని బుధవారం ఘనంగా నిర్వహించారు. కలెక్టర్‌ డాక్టర్‌ సత్యశారద శారద హాజరై జ్యోతి ప్రజ్వలన చేసి వేడుకలను ప్రారంభించి మాట్లాడారు. కుటుంబ సభ్యులు వయోవృద్ధులకు మెరుగైన సేవలను అందించాలని కోరారు. ఈ తరం పిల్లలకు వయోవృద్ధులు గత అనుభవాలను వివరించాలని సూచించారు. జిల్లాలో పైలట్‌ ప్రాజెక్టుగా చేపట్టిన స్ఫూర్తి కార్యక్రమంలో భాగస్వాములు కావా లని పేర్కొన్నారు. అనంతరం ఉత్తమ సేవలందించిన వృద్ధులను సన్మానించి జ్ఞాపికలు అందించారు. జిల్లా సంక్షేమాధికారి రాజమణి, డీఎల్‌ఎస్‌ఏ అడ్వకేట్‌ సురేశ్‌, బ్రహ్మకుమారిస్‌ నుంచి సరిత సిస్టర్‌, వయోవృద్ధుల కమిటీ సభ్యుడు మల్లారెడ్డి పాల్గొన్నారు.

ఇందిరమ్మ చీరలు

పంపిణీ చేయాలి

న్యూశాయంపేట: మహిళలకు పారదర్శకంగా ఇందిరమ్మ చీరలు పంపిణీ చేయాలని సీఎం ఎ.రేవంత్‌రెడ్డి ఆదేశించారు. మాజీ ప్రధాని ఇందిరాగాంధీ జయంతిని పురస్కరించుకుని కోటి మంది మహిళలకు కోటి ఇందిరమ్మ చీరల పంపిణీ కార్యక్రమాన్ని ప్రారంభించారు. అనంతరం హైదరాబాద్‌ నుంచి కలెక్టర్లు, మహిళా సంఘాల బాధ్యులతో బుధవారం ఆయన వీడియో కాన్ఫరెన్స్‌ నిర్వహించారు. జిల్లా నుంచి కలెక్టర్‌ డాక్టర్‌ సత్యశారద, అదనపు కలెక్టర్‌ సంధ్యారాణి, డీఆర్డీఓ రాంరెడ్డి, మున్సిపల్‌ కమిషనర్లు, మెప్మా అధికారులు పాల్గొన్నారు.

దరఖాస్తుల ఆహ్వానం

కాళోజీ సెంటర్‌: నెక్కొండ మండలంలోని పెద్దకొర్పోలు కేజీబీలోలో ఒక ఏఎన్‌ఎం పోస్టు భర్తీ చేసేందుకు 18–45 సంవత్సరాల్లోపు వయస్సు ఉన్న మహిళా అభ్యర్థులు దరఖాస్తు చేసుకోవాలని డీఈఓ బి.రంగయ్యనాయుడు ఒక ప్రకటనలో తెలిపారు. తాత్కాలిక కాంట్రాక్టు పద్ధతిలో భర్తీ చేసే ఈ పోస్టుకు జిల్లాకు చెందిన వారు ఇంటర్‌ అర్హత కలిగి ఉండి, ప్రభుత్వ గుర్తింపు పొందిన సంస్థల్లో ఏఎన్‌ఎం శిక్షణ పొంది ఉండాలని పేర్కొన్నారు. దరఖాస్తులను ఈనెల 25 తేదీ సాయంత్రం 5 గంటల్లోపు జిల్లా విద్యాశాఖ కార్యాలయంలో అందజేయాలని ఆయన కోరారు.

రికార్డుల పరిశీలన

గీసుకొండ: మండలంలోని గంగదేవిపల్లి, మండల కేంద్రంలోని మండల పంచాయతీ కార్యాలయాన్ని డీపీఓ కల్పన, డీఎల్‌పీఓ వేదవతి బుధవారం సందర్శించారు. కార్యాలయంలోని రికార్డులు పరిశీలించారు. ఎంపీఓలు శేషాంజనస్వామి, పాక శ్రీనివాస్‌, కూచన ప్రకాశ్‌, పంచాయతీ కార్యదర్శులు పాల్గొన్నారు.

Advertisement

Related News By Category

Related News By Tags

Advertisement
 
Advertisement
Advertisement