జల వనరుల పరిరక్షణకు కృషిచేయాలి

న్యూశాయంపేట: జల వనరుల పరిరక్షణ కోసం మరింతగా కృషిచేసి ఆదర్శంగా నిలవాలని రెవెన్యూశాఖ మంత్రి, జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డి సూచించారు. జల సంరక్షణ కేటగిరీ–2లో జాతీయ స్థాయిలో వరంగల్‌ జిల్లా మొదటి స్థానం దక్కించుకుని కోటి రూపాయల నగదు బహుమతి అందుకుంది. ఈ మేరకు అవార్డు అందుకున్న అనంతరం హైదరాబాద్‌లో మంత్రి పొంగులేటి శ్రీనివాస్‌రెడ్డిని కలెక్టర్‌ డాక్టర్‌ సత్యశారద బుధవారం మర్యాద పూర్వకంగా కలిశారు. ఈ సందర్భంగా మంత్రి కలెక్టర్‌ను అభినందించి శుభాకాంక్షలు తెలిపారు.

కలెక్టర్‌ను అభినందించిన జిల్లా అధికారులు

అవార్డు అందుకున్న కలెక్టర్‌ సత్యశారదను అదనపు కలెక్టర్‌ సంధ్యారాణి, జిల్లా అధికారులు కలెక్టరేట్‌ సిబ్బంది పుష్పగుచ్ఛం అందించి అభినందించారు. జిల్లా యంత్రాంగం, ప్రజల సహకారంతో ఈ విజయం సాధించామని కలెక్టర్‌ పేర్కొన్నారు.

ఇన్‌చార్జ్‌ మంత్రి పొంగులేటి శ్రీనివాస్‌రెడ్డి