TV
ఉత్సాహంగా 2కే రన్‌
నర్సంపేట: విశ్వహిందూ పరిషత్‌, బజరంగ్‌ దళ్‌ నాయకులు బుధవారం నర్సంపేటలో నషా ముక్త యువ వికసిత భారత్‌ అభియాన్‌ 2కే రన్‌ ఉత్సాహంగా నిర్వహించారు. ఈ మేరకు విద్యార్థులు, యువకులు, విశ్వహిందూ పరిషత్‌ సభ్యులు పాల్గొనగా రన్‌ను బజరంగ్‌ దళ్‌ రాష్ట్ర కన్వీనర్‌ శివరాములు ప్రారంభించారు. పాకాల రోడ్డు సెంటర్‌ నుంచి బస్టాండ్‌ వరకు జాతీయ జెండాలు, మత్తు నిర్మూలన అవగాహన ప్లకార్డులను ప్రదర్శిస్తూ రన్‌ నిర్వహించారు. అనంతరం శివరాములు మాట్లాడుతూ దేశ అస్థిత్వానికి, అభివృద్ధికి యువతే మూలమని తెలిపారు. విశ్వహిందూ పరిషత్‌ జిల్లా సహ కార్యదర్శి మల్యాల రవి మాట్లాడుతూ ప్రతీ కళాశాలలు, విద్యాలయాల్లో డ్రగ్స్‌, మత్తు పదార్థాలపై అవగాహన కల్పించాలని సూచించారు. నర్సంపేట అధ్యక్షుడు చొల్లేటి జగదీశ్వర్‌, సహ కార్యదర్శి నరేందర్‌, కోశాధికారి సుదర్శన్‌, గో రక్ష ప్రముఖ్‌ నాగార్జున, బజరంగ్‌ దళ్‌ కన్వీనర్‌ చరణ్‌, శోభన్‌, చందు, తదితరులు పాల్గొన్నారు.
