కేజీబీవీ పరిశీలన

కేజీబీవీ పరిశీలన

ఎల్కతుర్తి: మండల కేంద్రంలోని కస్తూర్బాగాంధీ ఆశ్రమ పాఠశాలను రాష్ట్ర పరిశీలకుడు రవికాంత్‌ బుధవారం సందర్శించారు. ఎంఈఓ చదువుల సత్యనారాయణ, కమ్యూనిటీ కో–ఆర్డినేటర్‌ బద్దం సుదర్శన్‌తో కలిసి పాఠశాలను తనిఖీ చేశారు. విద్యార్థులకు అందిస్తున్న భోజనాన్ని పరిశీలించారు. ఈసందర్బంగా ఆయన మాట్లాడుతూ.. పాఠశాలల పరిశుభ్రత, మెరుగైన విద్యనందించడంలో భాగంగా ప్రభుత్వం తగిన చర్యలు తీసుకుంటుందని తెలిపారు. సురక్షిత, శుభ్రమైన పాఠశాల 5.0 కార్యక్రమంలో భాగంగా వంటగదిని, ఆహార పదార్థాలతో పాటు విద్యార్థులకు వండిన భోజనాన్ని రవికాంత్‌ పరిశీలించి సంతృప్తి వ్యక్తం చేశారు. అలాగే టాయిలెట్స్‌, తరగతి గదులు పరిశీలించారు. విద్యార్థులకు కావాల్సిన అన్ని మౌలిక సదుపాయాలు కల్పించడంతో పాటు నాణ్యమైన విద్యనందిస్తున్నట్లు తెలిపారు. కార్యక్రమంలో పాఠశాల ప్రిన్సిపాల్‌ అనితాదేవి ఉన్నారు.

శాయంపేట: మండలంలోని శాయంపేట, కాట్రపల్లిలో ధాన్యం కొనుగోళ్ల అక్రమాలలో ఇద్దరు వీఓఏలను డీఆర్డీఏ అధికారుల ఆదేశాల మేరకు బుధవారం తొలగించినట్లు తెలిసింది. శాయంపేట వసుంధర వీఓ, వీఓఏ బలభద్ర హైమావతి, కాట్రపల్లి జ్యోతి వీఓ, వీఓఏ అల్లె అనితను సంబంధిత అధికారులు విధుల నుంచి తొలగించినట్లు సమాచారం. రూ. 2కోట్ల అవినీతి జరుగ్గా 22 మందిపై కేసు నమోదు చేసిన పోలీసుల విచారణ అనంతరం 18 మందిని రిమాండ్‌కు తరలించినట్లు సమాచారం. ఈ రిమాండ్‌ రిపోర్ట్‌ ఆధారంగా గురువారం సంబంధిత అధికారులు సమావేశాలు నిర్వహించి వీఓఏలను తొలగించినట్లు అధికారికంగా ప్రకటించనున్నట్లు తెలిసింది.