TV
పీఏసీఎస్‌ పాత పాలకవర్గానికే బాధ్యతలు
● హైకోర్టు ఆదేశాలతో డీసీఓ ఉత్తర్వులు
● పరకాల పీఏసీఎస్‌లో చైర్మన్‌..
వైస్‌ చైర్మన్‌ మళ్లీ బాధ్యతల స్వీకరణ
పరకాల: ప్రాథమిక వ్యవసాయ సహకార సంఘాల పాలకవర్గాల పదవులను ఆరు నెలలు కొనసాగిస్తూ తెలంగాణ ప్రభుత్వం ఉత్తర్వులు జారీ చేసింది. సంఘంలో పాలకవర్గ సభ్యులుగా ఉంటూ.. రుణాలు తీసుకుని చెల్లించకుండా కాలయాపన చేశారన్న కారణంగా జిల్లా సహకార సంఘం అధికారి సంజీవరావు మూడు నెలల క్రితం ఆగస్టులో పరకాల పీఏసీఎస్‌ పాలకవర్గాన్ని రద్దు చేస్తూ ఉత్తర్వులు జారీ చేశారు. రాజకీయ కుట్రలో భాగంగానే పీఏసీఎస్‌ పాలకవర్గం తమను తొలగించిందంటూ హైకోర్టును ఆశ్రయించింది. రెండు నెలల విచారణ తర్వాత ప్రభుత్వ ఆదేశాల ప్రకారం పాత పాలకవర్గానికే అవకాశాలివ్వాలంటూ.. జిల్లా సహకార అధికారికి ఆదేశాలు జారీ చేసింది. దీంతో ఆయన వారిని తిరిగి పదవుల్లో కొనసాగిస్తూ ఉత్తర్వులు జారీచేశారు. ఉత్తర్వులు రాగానే పరకాల పీఏసీఎస్‌ చైర్మన్‌ నాగయ్య, వైస్‌ చైర్మన్‌ రాజేందర్‌రెడ్డితో పాటు డైరెక్టర్లు కార్యాలయంలో బాధ్యతలు స్వీకరించారు.
