TV
మహిళల ఆర్థిక సాధికారతకు ముల్కనూరు డెయిరీ స్ఫూర్తి
ముల్కనూరు సొసెటీ అధ్యక్షుడు
అల్గిరెడ్డి ప్రవీణ్‌రెడ్డి
ఎల్కతుర్తి: మహిళల ఆర్థిక సాధికారతకు ముల్క నూరు డెయిరీ స్ఫూర్తి అని ముల్కనూరు సొసైటీ అధ్యక్షుడు అల్గిరెడ్డి ప్రవీణ్‌రెడ్డి అన్నారు. మంగళవారం ముల్కనూరు స్వకృషి మహిళా డెయిరీలో 72వ సహకార వారోత్సవాలు నిర్వహించారు. ఈసందర్భంగా ఆయన మాట్లాడుతూ.. మహిళల ఆర్థిక సాధికారతకు ముల్కనూరు డెయిరీ స్ఫూర్తి అన్నారు. టెక్నాలజీ ఆధారిత వ్యవసాయం, పాల ఉత్పత్తుల ప్రాసెసింగ్‌ అభివృద్ధిపై దృష్టి పెట్టాలని సూచించారు. ముల్కనూరు మహిళా డెయిరీ సభ్యుల సంక్షేమాన్ని లక్ష్యంగా పెట్టుకొని ప్రత్యేకతను కొనసాగించాలన్నారు. ఖండాంతర గుర్తింపును మళ్లీ సంపాదించేందుకు పాలకవర్గం నుంచి ఉత్పత్తిదారుల వరకు ఆధునిక విధానాలు, మార్కెటింగ్‌ వ్యూహాలు అనుసరించాలన్నారు. డెయిరీ అధ్యక్షురాలు బుర్ర ధనశ్రీ మాట్లాడుతూ.. మహిళలు ఆర్థికంగా బలపడడంలో సహకార రంగం ప్రధాన పాత్ర పోషిస్తోందన్నారు. జీఎం భాస్కర్‌రెడ్డి సహకార వారోత్సవాల ప్రాధాన్యాన్ని వివరించి, సభ్యుల ఐఖ్యతతోనే సుస్థిర అభివృద్ధి సాధ్యమవుతుందని తెలిపారు.
