రైతులకు ఇబ్బందులు లేకుండా చూడాలి

● అదనపు కలెక్టర్‌ సంధ్యారాణి

సంగెం: కొనుగోలు కేంద్రాల వద్ద రైతులకు ఇబ్బందులు లేకుండా చూడాలని అదనపు కలెక్టర్‌ సంధ్యారాణి అన్నారు. మంగళవారం మండలంలోని షాపూర్‌, తీగరాజుపల్లి గ్రామాల్లోని వరి ధాన్యం కొనుగోలు కేంద్రాలను ఆకస్మికంగా సందర్శించి తనిఖీ చేశారు. ఈ సందర్భంగా ఆమె మాట్లాడుతూ నాణ్యతా ప్రమాణాలతో ధాన్యాన్ని తీసుకుని వచ్చి మద్దతు ధరతో పాటుగా బోనస్‌ పొందాలన్నారు. తాలు, మట్టిపెళ్లలు లేకుండా వరి కోసేటపుడు ఆర్‌పీఎం 18 ఉండేలా చూసుకోవాలన్నారు. తమకు గత యాసంగిలో రావాల్సిన బోనస్‌ డబ్బులు రాలేదని, యూరియా కొరత ఉందని పలువురు రైతులు అదనపు కలెక్టర్‌ దృష్టికి తీసుకెళ్లారు. ఈ కార్యక్రమంలో డీసీఓ నీరజ, సివిల్‌ సప్‌లైస్‌ డీఎం సంధ్యారాణి, ఎంపీడీఓ రవీందర్‌, ఏఓ జగదీశ్వర్‌, ఏఈఓ సరిత, సొసైటీ సీఈఓ రమణచారి పాల్గొన్నారు.

ఆయిల్‌పామ్‌తో అధిక లాభాలు

వర్ధన్నపేట: ఆయిల్‌పామ్‌ సేద్యంతో రైతులు అధిక లాభాలు పొందవచ్చని జిల్లా అదనపు కలెక్టర్‌ సంధ్యారాణి అన్నారు. మంగళవారం కేంద్రంలోని రైతువేదికలో జిల్లా సహకార శాఖ అధికారి నీరజ అధ్యక్షతన జరిగిన అవగాహన సదస్సుకు అదనపు కలెక్టర్‌ ముఖ్యఅతిథిగా పాల్గొని ఆయిల్‌పామ్‌పై అవగాహన కల్పించారు. రైతులు ఆయిల్‌పామ్‌ సాగు చే పడితే సంప్రదాయ పంటలతో పోలిస్తే అధిక లాభాలు పొందవచ్చన్నారు. అలాగే ధాన్యం కొనుగోలు కేంద్రాల్లో తాలు మట్టి పెల్లలు లేకుండా ని బంధనలు అనుగుణంగా రైతులు ధాన్యం విక్రయించాలని సూచించారు. జిల్లా సహకార శాఖ అధికారి నీరజ మాట్లాడుతూ ఆయిల్‌పామ్‌ సాగును ప్రోత్సహించడమే లక్ష్యమన్నారు. ఈ సమావేశంలో తహసీల్దార్‌ విజయసాగర్‌, విజయకుమార్‌, అధికారులు, సొసైటీ ప్రతినిధులు, రైతులు పాల్గొన్నారు.