కో–ఆప్షన్‌ సభ్యుల ఎన్నిక వాయిదా

జహీరాబాద్‌: జహీరాబాద్‌ మున్సిపాలిటీలో నిర్వహించాల్సి ఉన్న కో–ఆప్షన్‌ సభ్యుల ఎన్నిక మరోసారి వాయిదా పడింది. కో– ఆప్షన్‌ ఎన్నికను శనివారం నిర్వహిస్తున్నట్లు మొదట్లో అధికారులు ప్రకటించారు. తిరిగి పలు కారణాల చేత వాయిదా వేస్తున్నట్లు సభ్యులకు సమాచారం ఇచ్చినట్లు తెలిసింది. ఎన్నిక వాయిదా పడినట్లు తెలుసుకున్న సభ్యులు మున్సిపాలిటీ వైపు కన్నెత్తి చూడలేదు. అధికారులు సైతం అత్యవసర సమావేశానికి తరలివెళ్లినట్లు సమాచారం. ఎన్నిక వాయిదా పడేందుకు కారణాలు తెలియరాలేదు. కో–ఆప్షన్‌ సభ్యుల ఎన్నిక నిర్వహణ కోసం కాంగ్రెస్‌ పార్టీలో సమన్వయం లేనందునే వాయిదా పడిఉండవచ్చనే ప్రచారం జోరుగా సాగుతోంది. గతంలో సైతం ఎన్నిక తేదీని ప్రకటించినా తగినంత కోరం లేనందున వాయిదా పడిన సంగతి తెలిసిందే. జహీరాబాద్‌: నేల బాగు కోసమే పచ్చిరొట్ట సాగును ప్రోత్సహిస్తున్నామని ఏడీఏ భిక్షపతి పేర్కొన్నారు. జహీరాబాద్‌లో డీసీఎంఎస్‌ ఆధ్వర్యంలో 50% సబ్సిడీపై జనుము, జీలుగ విత్తనాల పంపిణీ కార్యక్రమాన్ని శనివారం ఆత్మ చైర్మన్‌ రామలింగారెడ్డి ప్రారంభించారు. ఈ సందర్భంగా ఏడీఏ మాట్లాడుతూ...నేల ఆరోగ్యం మెరుగుపడేందుకు సేంద్రీయ ఎరువుల పాత్ర చాలా కీలకమైందన్నారు. నేలలో 6–7వారాలు జనుము సాగు చేసుకుని, తేమ ఉన్న సమయంలో భూమిలో కలియదున్నాలని సూచించారు. వీటివల్ల భూమిలో సేంద్రీయ కర్బనం పెరిగి, భూసారం పెరుగుతుందన్నారు. జనుములు 40 కిలోల బస్తా 50%సబ్సిడీ పోను రైతు చెల్లించాల్సిన ధర రూ.3,110 ఉందని తెలిపారు. ఈ పంపిణీ ఓఎస్‌ఎస్‌డీఎస్‌ ఆన్‌లైన్‌లో పోర్టల్‌ ద్వారా నిర్వహిస్తున్నట్లు వెల్లడించారు. జహీరాబాద్‌ డివిజన్‌లోని ఐదు మండలాల్లో ఏడు సబ్సిడీ కౌంటర్లను కేటాయించినట్లు తెలిపారు. కార్యక్రమంలో సీడీసీ చైర్మన్‌ ముబీన్‌, ఏఓ లావణ్య, ఏఈఓలు, రైతులు పాల్గొన్నారు.